एफबीआई र अमेरिकाको सिक्रेट सर्भिसले राष्ट्रपति डोनल्ड ट्रम्पलाई रिसिन विष पठाइएको विषयमा अनुसन्धान थालेका छन् । 

ट्रम्पलाई पठाइएको प्राणघातक रिसिन विष उनीकहाँ पुग्न नपाएको खबर सीएनएनले शनिवार दियो ।

अमेरिकाको सरकारी हुलाकमा आएको शंकास्पद खामको अनुुसन्धान गरिरहेको एफबीआईले जानकारी दिएको छ । 

ट्रम्पलाई पठाइएको प्याकेजलाई अघिल्लो साताको आरम्भतिरै भेटिएको र त्यसमा दुईवटा परीक्षण गरिएको थियो । परीक्षणबाट प्राणघातक विष प्रमाणित भएको सीएनएनको खबर छ । 

ह्वाइट हाउसले यस विषयमा टिप्पणी गसिकेको छैन ।
 

रिसिन अरण्डको दानामा पाइने कडा विष हो । यसलाई खाँदा शरीरको कोशिकाले प्रोटीन बनाउन पाउँदैन । यो विष शरीरभरि फैलिँदा मृत्यु हुन्छ र यसको एन्टीडोट अहिलेसम्म पाइएको छैन ।