चिनियाँ अधिकारीहरूले केरुङ-काठमाडौँ रेलमार्गको प्रारम्भिक भौगोलिक सम्भाव्यता अध्ययनको काम सकिएको दाबी गरेका छन् ।

सरकारनियन्त्रित चिनियाँ सञ्चारमाध्यमहरूले चीनतर्फको क्षेत्रमा सम्भाव्यता अध्ययन पूरा भएको बताए पनि अध्ययनको निष्कर्ष भने सार्वजनिक भएको छैन ।

गत सालको सेप्टेम्बरमा चिनियाँ राष्ट्रपति शी चिनफिङको नेपाल भ्रमणताका सीमापार रेल्वे संचालनका विषयमा सम्झौतासमेत भएको थियो । त्यसपछि नेपाली र चिनियाँ संयुक्त टोलीले सम्भाव्यता अध्ययनको काम शुरू गरेको थियो ।

चिनियाँ अधिकारीहरूले अहिले चीनतर्फको प्रारम्भिक अध्ययन सकिएको दाबी गरेका हुन् ।   

चिनियाँ जनमुक्ति सेनाका एक अधिकारी शेन सुवेइले ट्वीटरमार्फत सम्भाव्यता अध्ययन प्रतिवेदन दुवै टोलीमा आदान प्रदान भइसकेको दाबी गरेका छन् ।