हिजोदेखि देशभर भइरहेको हल्का तथा मध्यम वर्षा अझै केही दिन जारी रहने जल तथा मौसम विज्ञान विभागले जनाएको छ ।

विभाग अन्तर्गतको मौसम पूर्वानुमान डिभिजनले ट्वीट गर्दै अझै केही दिन सतर्कता अपनाउन अपिल गरेको हो ।

'हाल देशभर सामान्यदेखि पूर्ण बदली रही देशका धेरैजसो स्थानमा हल्कादेखि मध्यम वर्षा भईरहेको र अझ केही दिन वर्षाको गतिविधि बढ्ने सम्भावना रहेकाले आवश्यकता अनुसार सतर्कता अपनाउनु होला,' ट्वीटमा लेखिएको छ ।

हिजोदेखि राजधानी काठमाडौं‌ उपत्यकासहित देशका विभिन्न भू-भागमा हल्का तथा मध्यम वर्षा भइरहेको छ ।