बुधवार राति सम्पूर्ण नयाँ यामाहा रे जेडआर १२५ एफआईलाई नेपालकै पहिलो भर्चुअल बिक्री शुभारम्भ समारोहमार्फत् देशका सडकमा स्वागतको लागि तयार गरिएको छ । 

समारोह यामाहा नेपालको औपचारिक यूट्युब च्यानलबाट बुधवार साँझ ७ बजे प्रिमियर गरिने जनाइएको छ ।

सन् २०२० को यामाहा रे जेड आर १२५ एफआई बीएस ६ बाहिर जाने मोडेलको तुलनामा कस्मेटिक अपग्रेडहरू छन् । सुविधाको सन्दर्भमा अंग्रेजी ‘वाई’ आकारको लेड पोजिस्निङ लाइट, नयाँ डिजिटल इन्सट्रुमेन्ट क्लस्र्ट, स्टप र स्टर्ट सिस्टम, स्मार्ट मोटर जेनेरेटर आवाज रहित शुरूआतको लागि, साईड स्टान्ड कटअफ स्विच र युनिफाइड ब्रेकिङ सिस्टम छन् । यो स्कूटर फसिनो १२५ एफआई बीएस ६ जस्तै हलुका छ ।

समारोहमा सम्पूर्ण नयाँ यामाहा रे जेड आर १२५ एफआईको अनावरण गरिनेछ, जहाँ दर्शकहरूले यो नयाँ उत्पादनको बनावट र विशेषताको अनुभव गर्न पाउनुका साथसाथै बिक्री शुभारम्भ समारोहको थ्री डी अनुभवको माध्यमबाट नयाँ यामाहाको मुख्य–मुख्य भागमा गहन दृष्टि पुर्‍याउन सक्ने कम्पनीले जनाएको छ ।

यामाहा नेपालले सोही समारोहको दौरान सम्पूर्ण नयाँ रे जेडआर १२५ एफआइका भाग्यशाली विजेताको नाम पनि घोषणा गर्नेछ । जस अनुसार विशेष थ्री डी बिक्री शुभारम्भ समारोहको लागि यामाहा नेपालको वेबसाइटमार्फत् आफ्नो नाम दर्ता गराउने मध्येबाट एक जनालाई भाग्यशाली विजेता चयन गरिने जनाइएको छ ।

सम्पूर्ण नयाँ यामाहा रे जेडआर १२५ को यो खास बिक्री शुभारम्भ समारोहलाई यामाहा नेपालको औपचारिक यूट्युब च्यानल ‘यामाहा नेपाल’मा बुधवार साँझ ७ बजे प्रत्यक्ष प्रसारण गरिने छ ।