काठमाडौं । मन्त्रिपरिषद्को असोज १ र ६ गते बसेको बैठकको निर्णय बुधबार सार्वजनिक गरिएको छ । बुधबार सरकारका प्रवक्ता तथा परराष्ट्रमन्त्री प्रदीप कुमार ज्ञवालीले निर्णयहरु सार्वजनिक गरेका हुन् ।

सार्वजनिक निर्णयअनुसार नेपाल इजरायलबीच श्रम सम्झौता हुने, आधिकारिक ट्रेड युनियनको निर्वाचन स्थगित गर्ने, आरोही आङ रीता शेर्पाको निधनप्रति दुःख व्यक्त गर्दै राष्ट्रिय सम्मानका साथ अन्त्येष्टि गर्ने, विद्यालय शिक्षासम्बन्धी आकस्मिक कार्ययोजना स्वीकृत गर्नेलगायत रहेका छन् ।