तिनाउ नदीमा पानीको बहाव खतराको विन्दुमा पुगेको छ ।

तीन दिनदेखि लगातार परिरहेको अविरल वर्षासँगै नदीमा पानीको बहावले खतराको तह पार गरेको हो ।

बाढीको पूर्व सूचना प्रणाली दोभान पाल्पाका संयोजक सन्तोष शेरचनले नदीमा पानीले खतराको बिन्दुमा पुगेकोले नदी तटीय क्षेत्रका बासिन्दालाई सर्तकता अपनाउन आग्रह गरे । 

उनले भने, ‘पानी वार्निङको लेबलमा पुग्यो । पानी ५.७६ मिटरको फ्लोमा बगेको छ । ५ भन्दा बढी भएपछि खतराको संकेत मानिन्छ । अहिले पनि पानी परिरहेको छ ।’

तिनाउ नदीमा मिसिने पाल्पाको दोभान र झुम्सा खोलामा पानी बढ्दो छ । तिनाउ बुटवल तथा यस आसपासका क्षेत्रमा बाढीको जोखिम बढाउँछ ।