एक हजार दरका १२ सय थान नक्कली नोटसहित २ जना पक्राउ

बाराको सिम्रौनगढ नगरपालिका- ९ बसवरिया नहरबाट १ हजार दरका नक्कली नोट १ हजार २ सय १६ थानसहित २ जनालाई प्रहरीले पक्राउ गरेको छ । 

चोरीको मोबाइल खरिद बिक्री भइरहेको भन्ने सूचनाका आधारमा खटिएको प्रहरी टोलीले बुधवार बिहान उनीहरूलाई पक्राउ गरेको हो ।


Advertisement

पक्राउ पर्नेमा बारागढी गाउँपालिका- ५ सिघासनी बस्ने २३ वर्षीय बलिराम चौधरी र भारत बिहार मोतिहारी बस्ने २७ वर्षीय सन्दीपकुमार रहेका छन् । 

प्रहरीले बा ६४ प ९७०६ नम्बरको मोटरसाइकलमा सवार उनीहरूलाई चेकजाँच गर्ने क्रममा नक्कली नोट फेला पारेको हो ।


Advertisement

थप अनुसन्धान गर्ने क्रममा उक्त नक्कली नोटहरू मोबाइल बिक्री गरी प्राप्त भएको तथा मोबाइल खरिद गर्ने व्यक्तिहरूले ती नोट दिई ३० थान मोबाइल लिई फरार भएको खुल्न आएको जिल्ला प्रहरी कार्यालय बाराले जनाएको छ । 

मोबाइल लिई फरार भएका व्यक्तिहरूको प्रहरीले खोजी गर्नुका साथै यस सम्बन्धमा थप अनुसन्धान गरिरहेको छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्