नेकपा स्याङ्जाले पहिरोमा परी निधन भएका परिवारलाई आवास बनाउन सहयोग गर्ने

नेपाल कम्युनिस्ट पार्टी (नेकपा) स्याङ्जाले बिहीवार वालिङ र कालिगण्डकीमा गएको पहिरोमा परी मृत्यु हुनेप्रति श्रद्धान्जली व्यक्त गरेको छ ।

अध्यक्ष सूर्य प्रसाद गैह्रे 'पारस'ले एक विज्ञप्ति जारी गर्दै मृत्यु हुनेको परिवारलाई नयाँ आवास निर्माणका लागि सहयोग र राहतका लागि आवश्यक पर्ने पहल गर्ने प्रतिबद्धता व्यक्त गरेका छन् ।


Advertisement

बिहान साढे २ बजे आएको पहिरोले कालिगण्डकी ४, गौलमटोलमा बाबुराम दमाई र जगतबहादुर दमाईको घर पुरिएको थियो । जसमा बाबुराम दमाईका छोरा विष्णु दमाईको दुखद निधन भएको छ ।

वालिङ नगरपालिका- १४, तमादीमा आजै बिहान गएको पहिरोमा पुरिएर एकै परिवारका माया नेपाली, सेनु नेपाली, दिपक नेपाली, कुलदिप नेपाली, विनिता नेपाली, बिनिताको एकवर्षे छोरा, शिशिर नेपाली, दिवस नेपाली र पाहुना भएर आएकी रुपा नेपाली को दुखद निधन भएको छ ।


Advertisement

'उल्लेखित दुखद घट्नाले हामी सबैलाई अति मर्माहत बनाएको छ,' पारसले विज्ञप्तिमा लेखेका छन्, घटनामा परी ज्यान गुमाउनेहरु प्रति श्रद्धाञ्जली व्यक्त गर्दै शोकसन्तप्त परिवारप्रति जिल्ला पार्टिको तर्फबाट समवेदना व्यक्त गर्दछु । दुखित परिवारलाई नयाँ आवास निर्माणको लागि सहयोग र राहत व्यवस्थाको लागि आवश्यक पहल गर्ने प्रतिवद्धता व्यक्त गर्दछु ।'

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्