माघ २२, २०८०
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
प्रदेश २ को भूमि व्यवस्था, कृषि तथा सहकारी मन्त्रालयको सचिवमा सरुवा भएकी सम्झना काफ्लेले मंगलबार अपराह्न मन्त्री शैलेन्द्रकुमार साहलाई फोन गरेर जनकपुर आउन लागेको जानकारी दिइन् । काफ्लेले रवानापत्र लिएर बुधबार आउने योजना सुनाउँदा मन्त्री साहले ‘प्रमुख सचिवसँग पनि सम्पर्क गर्नुहोला’ भनेर फोन राखे ।
सचिव काफ्ले गत बुधबार करिब साढे २ बजेतिर मन्त्रालय पुगिन् तर कार्यकक्षमा ताल्चा थियो । ताल्चा खोल्न कोही तयार भएनन् । मन्त्री साह पनि मन्त्रालयमा थिएनन् । उनी कर्मचारीसँग परिचय गर्न सभाकक्षमा पुगिन् ।
परिचयात्मक कार्यक्रम थाल्नै लाग्दा मन्त्रालय परिसरमा होहल्ला हुन थाल्यो । होहल्ला गर्ने समूह सभाकक्षमै पुगे । सचिव काफ्लेलाई फिर्ता जान भन्दै नाराबाजी गरे । होहल्ला गर्ने भीडको नेतृत्व भने मन्त्री साहकै स्वकीय सचिव नवनित झाले गरेका थिए । त्यसक्रममा उनले मन्त्रालयको सीसीक्यामेरा नै बन्द गरिदिए ।
मन्त्रालयका कर्मचारीहरूले ‘त्यसो नगर्न’ सम्झाउँदा उनीहरू हातपातमै उत्रिए । मन्त्रालयका अनुसार त्यस क्रममा एक जना कर्मचारी घाइते भएका छन् । स्थिति बिग्रन थालेपछि मन्त्रालय परिसरमा प्रहरी पुग्यो र होहल्ला सेलायो । सचिव काफ्ले भने परिचयात्मक कार्यक्रम रोक्दै सिधै प्रमुख सचिव अर्जुन पोखरेललाई भेट्न मुख्यमन्त्री कार्यालय पुगिन् ।
उनले मन्त्रालयमा हाजिर हुन गरिएको अवरोधबारे पोखरेललाई बिफ्रिङ गरिन् ।
त्यसयता काफ्ले सरकारी निवासमै छन् । ‘कार्यकक्षमा ताल्चा लागेको छ । मन्त्रालय गएर कहाँ बसेर काम गर्नू ?’ उनले कान्तिपुरसँग भनिन्, ‘मुख्यमन्त्रीज्यू र प्रमुख सचिवज्यूलाई सबै घटनाक्रम थाहा छ । उहाँहरूले निकास निकाल्नु होला,’ उनले भनिन् ।
सचिव काफ्ले सरुवा भएको एक महिनापछि मात्रै हाजिर हुन आएकी हुन् । मन्त्री साह यसअघिका सचिव विमलकुमार निर्मललाई संघीय सरकारले सरुवा गरेपछि रुष्ट छन् । मन्त्री साहले पत्र लेखेर संघीय मामिला तथा सामान्य प्रशासन मन्त्रालयसमक्ष असन्तुष्टि नै पोखेका थिए । उनले संघीय सरकारले प्रदेशलाई नसोधी छिटोछिटो सचिव सरुवा गरिदिँदा कार्य सम्पादनमा अप्ठ्यारो भइरहेको पनि पत्रमा उल्लेख गरेका छन् ।
कोरोना महामारीका बेला मन्त्रालयले प्रदेश २ का ४७ हजार ८ सय ८२ जना किसानको ४ महिनाको बैंक ब्याज (२१ करोड ६५ लाख ४९ हजार ५ सय ९९ रुपैयाँ) तिरिदिएको थियो । यसमा मन्त्री साहलाई निर्मलले सघाएका थिए । पछिल्लो ३ वर्षमा मन्त्रालयमा ६ जना सचिव लगालग सरुवा भए पनि मन्त्री साहले कुनै प्रतिक्रिया जनाएका थिएनन् ।
यसैबीच, शुक्रबार जनकपुर आएका संघीय सरकारका कृषिमन्त्री घनश्याम भुसाल र मुख्यमन्त्री लालबाबु राउतबीच मन्त्री–सचिव ‘लफडा’ कै विषयमा छलफल केन्द्रित भएको स्रोतले जनाएको छ । छलफलमा प्रदेशका कृषिमन्त्री साह पनि उपस्थित थिए ।
सिस्टमसँगको लडाइँ हो’
– शैलेन्द्र साह
मन्त्री, भूमि व्यवस्था, कृषि तथा सहकारी, प्रदेश–२
मन्त्री र सचिवबीचको यो झमेला हुँदै होइन । कर्मचारीको सरुवाको पद्धति ठीक भएन भन्नेमा मात्र हाम्रो आपत्ति हो । मेरै मन्त्रालयमा ३ वर्षमा ६ जना सचिव फेरिए । एउटा सचिवले नीति र योजना बनाउँछन्, त्यो कार्यान्वयन नहुँदै सरुवा भइदिन्छ । अर्को सचिव आउँछन्, यसअघि बनेको नीति–योजनासँग सरोकारै राख्न चाहँदैनन् । त्यसैले मैले सचिवको सरुवा हुँदा पत्र लेखेरै संघीय सरकारसँग आपत्ति जनाएको थिएँ । अहिलेको सिस्टमसँगको लडाइँ मात्र हो । तर, उहाँ मन्त्रालयमा हाजिर हुन जाँदा त्यहाँ जुन घटनाक्रम भयो, त्यसको छानबिनका लागि राज्यमन्त्रीको संयोजकत्वमा समिति बनेको छ । कर्मचारी वा मेरो सचिवालयको जोसुकै दोषी भए पनि कारबाही हुन्छ ।
‘काम गर्न आएकी हुँ’
– सम्झना काफ्ले
सचिव, भूमि व्यवस्था, कृषि तथा सहकारी मन्त्रालय, प्रदेश–२
हाजिर हुन जाँदा अवरोध गरियो । म केही नबोली मन्त्रालयबाट फर्किएँ । म सचिव भएकोले प्रक्रियागत हिसाबले चल्ने हो । प्रमुख सचिवको निर्देशनमा काम गर्ने हो । कार्यकक्षमा ताल्चा लागिरहेकाले निवासमै बसिरहेकी छु । म यहाँ झगडा गर्न आएकी होइन । काम गर्न आएकी हुँ । मुख्यमन्त्री र प्रमुख सचिवज्यूले जे निष्कर्ष निकाल्नुहुन्छ, म त्यही मान्ने हो । सचिवको छिटोछिटो सरुवा हुँदा मन्त्रालयको कार्यसम्पादनमा समस्या भइरहेको कुरा सुनेकी छु । यो राजनीतिक विषय भएकाले यसको हल गर्ने जिम्मा त मन्त्रीज्यूहरूकै हो । कान्तिपुर दैनिकमा अजित तिवारीले खबर लेखेका छन् ।
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...