काठमाडौं । पार्टी एकता पश्चात राष्ट्रिय प्रजातन्त्र पार्टी (राप्रपा)महाधिवेशन केन्द्रित भएको छ। पार्टीले आगामी वैशाख २५ देखि २८ गतेसम्म काठमाडौंमा महाधिवेशन गने निर्णय गरिसकेको छ।
राप्रपाको यसपटक महाधिवेशन प्रतिनिधि सकृय सदस्यताको आधारमा छनौट हुने बताइएको छ ।

 महाधिवेशनमा गाउँ पालिका, नगर, प्रदेश सभा क्षेत्र,संघीय क्षेत्र र जिल्ला अध्यक्षहरू स्वतः महाधिवेशन प्रतिनिधि हुनेछन् । प्रत्येक प्रदेश सभा क्षेत्रीय कार्य समितिबाट ८ जना महाधिवेशन प्रतिनिधि छनौट गरिने छ ।
प्रतिनिधिमा महिला,जनजाति,उत्पीडित,थारु र पिछडिएको बर्गको सहभागिता सुनिश्चित गरिएको छ। महाधिवेशन प्रतिनिधि बन्नको निमित्त गाउँ पालिका,नगरपालिका ,उपमहानगरपालिका र महानगरपालिकामा क्रमशः ५१, १०१, २०१ र ३०१ न्युनतम सकृय सदस्य सख्या निर्धारण गरिएको छ। तोकिएको सदस्य संख्या भन्दा दुई गुणा सक्रिय सदस्यता बनाए थप एक महाधिवेशन प्रतिनिधि बन्न सक्ने समेत नीति बनाइएको छ । पार्टी अध्यक्षत्रयको उपस्थितिमा आज महाधिवेशन केन्द्रित विशेष कार्ययोजना प्रस्तुत गरिएको छ।

पार्टी अध्यक्ष कमल थापाले  कार्यतालिका र समय सीमालाई मध्यनजर गर्दै महाधिवेशन केन्द्रित हुनुपर्नेमा जोड दिए। कार्ययोजना प्रस्तुत गर्दै थापाले महाधिवेशनलाई संगठन निर्माणमा उपयोग गर्दै बैकल्पिक शक्तिको रुपमा  पार्टीलाई स्थापित गर्ने गरि काम गर्नुपर्ने आवश्यकता औंल्याए। पार्टी अध्यक्ष पशुपतिशमशेर राणाले सत्तारूढ दलको अकर्मण्यता र प्रतिपक्षी दलको प्रभाबहिन भुमिकाबाट जनतामा निराशा छोएकाले राप्रपा जनताको मन जितेर बलियो बन्नु पर्ने बिचार ब्यक्त गरे । अर्का अध्यक्ष डाक्टर प्रकाशचन्द्र लोहनीले तल्लो तहसम्मको संगठन निर्माण अहिलेको प्रमुख आवश्यकता भएकोले संगठन सुदृढीकरण अभियानलाई महत्त्वका साथ देशव्यापी बनाउनु पर्ने बिचार ब्यक्त गरे ।  आगामी महाधिवेशनमा प्रवासबाट समेत प्रतिनिधि सहभागी हुने केन्द्रिय सचिवालय सदस्य राजाराम बर्तौलाले जानकारी दिए ।