×

NMB BANK
NIC ASIA

पीसीआर जाँचमा निजी ल्याबको मनपरी, चर्काे शुल्क तिर्न मञ्जुर नभए हुँदैन परीक्षण !

असोज १३, २०७७

NTC
Sarbottam
Premier Steels
Marvel

स्वास्थ्य तथा जनसंख्या मन्त्रालयले कोरोना जाँच गर्दा लाग्ने शुल्कमा एकरूपता कायम गर्न निर्देशन दिए पनि ५ नम्बर प्रदेशका प्रयोगशालाले फरक–फरक शुल्क असुल्दै आएका छन् ।

Sagarmatha Cement
Muktinath Bank

प्रदेशका प्रयोगशालाले तीनथरि शुल्क उठाएर कोराना जाँच गर्दै आएका छन् ।


Advertisment
RMC TANSEN
IME BANK INNEWS
shivam ISLAND

गत भदौ २८ गते स्वास्थ्य तथा जनसंख्या मन्त्रालयले देशभरका सरकारी र निजी प्रयोगशालाले २ हजार रुपैयाँमा पीसीआर जाँच गर्न शुल्क तोकेको थियो । तर प्रदेशको निजी ल्याबले सरकारले तोकेकोभन्दा झण्डै दोब्बर शुल्क लिएर पीसीआर जाँच गरिरहेका छन् ।


Advertisment
Nabil box
Kumari

५ नम्बर प्रदेशमा ५ वटा प्रयोगशालाले कोरोना जाँच गर्दै आइरहेका छन् । प्रदेश सरकारले तोकेको शुल्कमा कार्यान्वनमा कडाइ नगर्दा सर्वसाधारणले बढी पैसा तिर्न बाध्य छन् ।

Vianet communication
Laxmi Bank

नेसनल ल्याबले लिन्छ ३ हजार ८००

बुटवलको निजी प्रयोगशाला नेसनल प्याथ ल्याबले अहिले पनि ३ हजार ८०० रुपैयाँमा लिएर पीसीआर जाँच गरिरहेको छ । प्रयोगशालाका सञ्चालक शरद भुसालले सरकारले तोकेको शुल्कमा जाँच गर्दा आफूहरूको खर्च पनि नपुग्ने बताए । 

‘हामीकहाँ पीसीआर जाँच गर्न आउनेलाई हामी शुरूमै २ हजारमा जाँच गर्न सकिँदैन भनेर  बिरामीलाई काउन्सिलिङ गर्छाैं,’ भुसालले लोकान्तरसँग भने, ‘सरकारले तोकेको शुल्कमा जाँच गर्न सकिँदैन भनेर २ दिन त प्रयोगशाला बन्द नै गर्‍यौं । सबै क्षेत्रबाट जाँचका लागि दबाब आएपछि हामीले पुनः जाँच गर्न थालेका हौं । छुट्टै भवन भाडामा लिएका छौं । प्रयोगशालामा काम गर्ने १४ जना कर्मचारीलाई तलब, होटलमा बस्ने व्यवस्थादेखि उपकरण र विद्युत् खर्च कति उठ्छ अनि २ हजारमा कसरी जाँच गर्न सकिन्छ ?’ बिरामीले ३ हजार ८०० तिर्न तयार भएपछि मात्र आफूहरूले स्वाब लिने भुसाल दाबी गर्छन् ।

नेसनल प्याथ ल्याबले हालसम्म ५ हजार ४४७ जनाको पीसीआर जाँच गरिसकेको छ । दैनिक ८० जनासम्मको पीसीआर जाँच गर्दा नेसनलले दैनिक सरकारले तोकेकोभन्दा १ लाख ४४ हजार रुपैयाँ बढी शुल्क उठाइरहेको छ । जाँच गरिएका मध्येबाट १० प्रतिशतको रिपोर्ट पोजेटिभ आउने गरेको भुसाल बताउँछन् । नेसनल प्याथ ल्याबले साउन २६ गतेदेखि पीसीआर जाँच शुरू गरेको हो । 

बागेश्वरीमा सरकारले तोकेकोभन्दा पनि सस्तो 

निजी क्षेत्रबाटै पीसीआर जाँच गर्ने बाँकेको नेपालगञ्जमा रहेको बागेश्वरी डाइग्नोस्टिक एण्ड पोलिक्लिनिक सेन्टरले भने १ हजार ९९० रुपैयाँमा पीसीआर जाँच गर्दै आएको छ । प्रयोगशालाका सञ्चालक विमल बुढाथोकीले सर्वसाधारणलाई सहजताका लागि भनेर सरकारले तोकेकोभन्दा पनि सस्तोमा पीसीआर जाँच गर्ने गरिएको बताए । 

‘शुरूमा ५ हजार ५००, त्यसपछि ४ हजार ४०० रुपैयाँमा जाँच गरियो । सरकारले २ हजार तोकेपछि हामी त्यसभन्दा पनि सस्तो हुने गरी १ हजार ९९० रुपैयाँमा जाँच गर्न थालेका हौं,’ उनले भने, ‘हामीकहाँ त धेरै जाँच हुँदैन । कार्यालयमा रिपोर्ट लैजानुपर्ने र लक्षण भएकाहरू केही मात्र आउँछन् । सरकारले भनेको भन्दा बढी शुल्क लिए यहाँ कोही पनि आउँदैनन् ।’ बागेश्वरीले १ हजार ९५७ जनाको पीसीआर जाँच गरिसकेको छ । 

सरकारी प्रयोगशालामा २ हजारमै 

लुम्बिनी प्रादेशिक अस्पतालले सरकारले २ हजार शुल्क तोकेको दिन नै आफूहरूले २ हजार ५०० रुपैयाँमा पीसीआर जाँच गर्ने बताए पनि भोलिपल्टबाटै २ हजार रुपैयाँमै जाँच गर्न थालेको छ । अस्पतालका सूचना अधिकारी डा. विष्णु गौतमले सरकारी अस्पतालले सरकारी निर्देशन पूर्ण पालना गरेको बताए । 

‘हामीले फिवर क्लिनिकमा ज्वरो रुघाखोकी र गर्भवतीको निःशुल्क पीसीआर जाँच गर्दै आएका छौं,’ उनले भने, ‘आफैं जाँच गर्न आउनेलाई हामीले २ हजार शुल्क लिएर जाँच गर्छाैं । २४–३० घण्टाभित्र रिपोर्ट दिन्छौं ।’ 

बाँकेको भेरी अस्पतालले भने अन्य प्रयोगशालाले ४ हजार ४०० रुपैयाँमा पीसीआर जाँच गर्दा नै शुल्क घटाएर २ हजार ५०० रुपैयाँमा जाँच गर्दै आएको थियो । अस्पतालका अध्यक्ष प्रमोद धितालले हामीले जनतालाई सस्तोमा पीसीआर सेवा दिएको बताए ।  गुल्मी अस्पतालमा पनि गत १ हप्तादेखि कोरोना जाँच थालेको छ । गुल्मीका सबै स्थानीय तहले बजेट खर्च गरी प्रयोगशाला सञ्चालनमा ल्याएका हुन् । प्रादेशिक जनस्वास्थ्य प्रयोगशाला भैरहवाले ‘कन्ट्रयाक ट्रेसिङ’मा परेकाहरूको मात्र स्वाब जाँच गर्छ । 

‘२ हजारभन्दा बढी लिन पाइँदैन’

पीसीआर जाँच गर्दा २ हजार रुपैयाँभन्दा बढी शुल्क लिन नपाइने प्रदेशको सामाजिक विकास मन्त्रालयले जनाएको छ । मन्त्रालयका सूचना अधिकारी डा. पुष्पराज पौडेलले सरकारले तय गरेकोभन्दा बढी शुल्क नलिन निजी प्रयोगशालालाई पत्राचार गरिएको बताए । ‘हामीकहाँ निर्देशन आएको छैन । बढी शुल्क लिए भन्ने हामीलाई बढी शुल्क लिएको रसिदसहित आएमा हामी कारवाहीको लागि प्रक्रिया अगाडि बढाउछौं । व्यावहारिक समस्याका नाममा सरकारले निर्धारण गरेकोभन्दा बढी शुल्क असुल गर्न पाइँदैन,’ पौडेलले भने । 

प्रदेशमा संक्रमितको संख्या १० हजारभन्दा माथि

५ नम्बर प्रदेशमा कोरोना संक्रमितको संख्या १० हजार नाघेको छ । रुपन्देहीमा मात्रै २ हजारभन्दा बढी संक्रमित पुगेकोमा ६०० भन्दा बढी सक्रिय संक्रमित छन् । लकडाउन खुलेपछि दिनदिनै नयाँ संक्रमित थपिने क्रम बढेको छ ।

hAMROPATRO BELOW NEWS
TATA Below
कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x