२०७२ सालदेखि बन्द तातोपानी नाका असोज १९ देखि खुल्ने

फाइल फोटो

लामो समयदेखि बन्द रहेको नेपाल–चीन तातोपानी नाका असोज १९ गतेदेखि खुल्ने भएको छ ।

२०७२ सालमा गएको विनाशकारी भूकम्पपछि तातोपानी नाका बन्द रहँदै आएको छ ।


Advertisement

तातोपानी नाका सञ्चालनका लागि सरकारले चीनसँग पटक–पटक आग्रह गर्दै आएको थियो ।

अनौपचारिक ढंगले केही समय सञ्चालनमा आएपनि पूर्णरूपमा सञ्चालनमा आउन भने सकेको थिएन ।


Advertisement

सिन्धुपाल्चोकका प्रमुख जिल्ला अधिकारी उमेश ढकालले असोज १९ देखि नाका खुलाउने सहमति भएको जानकारी दिए । 

आज (मंगलवार) चिनियाँ टोली र भन्सारका प्रतिनिधि समेतको छलफलले १९ गतेदेखि भन्सार सुचारू गर्ने निर्णय गरेको ढकालले लोकान्तरसँग बताए ।

१८ गतेसम्ममा तयारी सकिने र १९ गतेबाट सामान आउन थाल्ने उनको भनाइ छ ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्