मुसाले पायो स्वर्ण पदक !

लन्डनमा मगावा नामक एक मुसालाई पीडीएसए स्वर्ण पदक दिइएको छ । यस्तो पदक पशुहरूको बहादुरीका लागि दिने गरिन्छ । 
मगावा मुुसाले ३९ भन्दा बढी ल्यान्डमाइन र अन्य विस्फोटक पदार्थ पत्ता लगाइसकेको छ । ल्यान्डमाइनको भनक पाउनेबित्तिकै उसले भुइँ खोस्रिन थाल्छ अनि उसका ट्रेनरहरूले विस्फोटक पदार्थको उपस्थिति थाहा पाउँछन् । 

मगावालाई बेल्जियमको गैरनाफामुखी संगठन एपोपोले प्रशिक्षण दिएको हो । यसले सन् १९९० देखि ल्यान्डमाइन पत्ता लगाउन पशुहरूको उपयोग गर्ने गरेको छ । 


Advertisement

उक्त संस्थाका अनुसार, मगावाको तौल कम छ । ऊ कुनै ल्यान्डमाइनमाथि पुगेछ भने पनि विस्फोट हुँदैन । उसले टेनिस कोर्ट जति क्षेत्रफल जाँच्नका लागि २० मिनेट समय लगाउँछ । 

बेलायतको परोपकार संस्थाले मगावालाई पुरस्कृत गरेको हो । यो अफ्रिकी जायन्ट पाउच्ड मुुसा हो र सात वर्षको भयो । 


Advertisement

उसले सुँघेर ३९ ल्यान्डमाइन पत्ता लगायो अनि नपड्केका २८ वटा गोलाबारुद पनि पत्ता लगायो । 
 

मगावाले दक्षिणपूर्वी एसियामा रहेको कम्बोडियामा १५ लाख वर्ग फीट क्षेत्रमा ल्यान्डमाइनबाट मुक्त गर्न सहायता गरेको हो । ती ल्यान्डमाइनहरू सन् १९७० भएको गृहयुद्धमा दशकमा राखिएका थिए । 

कम्बोडियाको माइन सेन्टरले अझै पनि ६० लाख वर्ग फीट क्षेत्रको ल्यान्डमाइन पत्ता लगाउन बाँकी रहेको जनाएको छ । 
 

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्