स्वास्थ्य तथा जनसंख्या मन्त्रालयले पछिल्लो २४ घण्टामा १५ सय ५९ मा कोरोनाको संक्रमण देखिएको जनाएको छ ।

बुधवार नियमित प्रेस ब्रिफिङका क्रममा मन्त्रालयका प्रवक्ता डा. जागेश्वर गौतमले पछिल्लो २४ घण्टामा १२ हजार २ सय ५ पीसीआर परीक्षण गरिएको र त्यसमध्ये १५ सय ५९ मा कोरोना संक्रमण देखिएको बताएका हुन् ।

यससँगै नेपालमा सक्रिय संक्रमितको संख्या २० हजार ८ सय ९१ पुगेको छ ।

पछिल्लो २४ घण्टामा संक्रमणमुक्त भएर डिस्चार्ज हुनेको संख्या १ हजार ५७ रहेको छ । नेपालमा हालसम्म ५६ हजार ४ सय २८ कोरोना जितेर घर फर्किसकेका छन् ।