अमेरिकाको टेक्ससमा बस्ने १७ वर्षीया म्याकी क्युरिनको लामो गोडाले गिनिज वर्ल्ड रेकर्ड्स कायम गरेको छ । 

६ फीट १० इन्च अग्ली म्याकीले गोडैका कारण कीर्तिमान बनाएकी छन् । 

उनको दाहिने गोडा १३४.३ सेन्टीमिटर छ भने देब्रे गोडा १३५.३ सेन्टीमिटर छ । 
 

गिनिजको वेबसाइटमा लेखिएको छ ः असामान्य शारीरिक विशेषता भएका मानिसले लाज मान्नुपर्दैन भनी म्याकीले बताइन् । आफ्नो रेकर्डले सबै अग्ला महिलालाई प्रेरित गर्ने उनले बताइन् । 
 

म्याकीलाई लामो गोडाका कारण अलिअलि दुःख त हुन्छ तर उनले यसको फाइदा पनि उठाउने गरेकी छन् । 

उनी सामाजिक सञ्जालमा चर्चित छिन् ।