माघ २७, २०८०
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
असोज २१, २०७७
खोटाङकी संगीता राई ललितपुरको महालक्ष्मीस्थान चोकमा बिहान ८ बजे आइपुग्छिन् ।
सबेरै उठेर खाना पकाएर छोराछोरीलाई खुवाएपछि महालक्ष्मीस्थान चोकमा आएर कुर्ने उनको दैनिकी हो ।
उनी चोकमा काम पाइने आशमा आउँछिन् । दैनिक चोकमा २ देखि ३ सय जना जम्मा हुन्छन्, उनी पनि त्यही भीडमा मिसिन्छिन् । बिहान ८ बजेदेखि १० बजेसम्म बस्छिन् ।
कोही ठेकदार वा साहु आएको खण्डमा काम पाउँछिन्, होइन भने निराश भएर फर्किनुको विकल्प छैन ।
उनी दैनिक ज्यालादारीमा घरमा रङ लगाउने बालुवा/इँट्टा बोक्ने काम गरेर जीवन चलाउँदै आएकी छन् ।
खोटाङबाट ४ वर्ष अगाडि काठमाडौं आएकी संगीताको चोकमा आएर काम खोज्नु र ज्याला गरेर पेट पाल्नु दैनिकी नै हो ।
काम पाएको खण्डमा एक दिनमा ७ सय रुपैयाँ कमाउँछिन् । हप्ता दिनसम्म काम नपाएको खण्डमा ७ सय रुपैयाँले हप्ताभर टार्नुपर्छ ।
कहिलेकाहीँ महिना दिनसम्म पनि काम पाइन्छ त्यो बेलामा उनी ढुक्क हुन्छिन् । खाना खाएर महिनामा २१ हजार रुपैयाँ कमाउँछिन्, त्यसैले घरभाडा तिर्छिन् ।
छोराछोरीको स्कूलको शुल्क तिर्छिन् । कमाइ नहुने महिनामा भने सापटी लिएर चलाउनुपर्छ ।
कोरोना भाइरसको संक्रमण फैलिएको भन्दै सरकारले गरेको बन्दाबन्दी यता उनी ऋणमा छिन् ।
पहिलो ३ महिना त कामै चलेन ऋण लिएर छोराछोरीको भोको पेट भरिन् ।
‘लकडाउनको ३ महिना ऋण लिएर चलाएँ, पेट पाल्नै पर्यो,’ संगीताले लोकान्तरसँग भनिन्, ‘त्यसपछि अलिअलि काम पाएँ, तर खान मात्रै ठिक्क भो ऋण तिर्न सकेको छैन ।’
अहिले महिनामा सरदर १२/१४ दिन काम पाउँछिन्, तर त्यसले खान त पुग्छ, कोठाभाडा तिर्न र लत्ताकपडा किन्न भने पुग्दैन ।
दशैं आउन लागेको छ तर उनीसँग गोजीमा सय रुपैयाँ पनि छैन । दशैंका लागि केही कमाउन सकिन्छ कि भनेर चोकमा भौँतारिँदै छिन्, उनी ।
‘दशैंमा सबै घर जाने कुरा गर्छन्, तर आफूसँग त खर्च छैन कसरी जाने ? हामीलाई दशैं आएको भन्दा नआएकै ठीक छ,’ संगीताले भनिन्, ‘बिहानबेलुका के खाने त्यो चिन्ता छ, दशैंमा घर जाने मीठो खाने त सपनामा मात्र हो ।’
‘बरु हामीलाई काम चाहिएको छ, काम दिए खान त सकिन्थ्यो,’ संगीताले थपिन् ।
***
संगीतासँगै भेटिएकी माया राईको पीडा पनि उस्तै छ ।
खोटाङकी माया संगीताकी साथी हुन्, तर उनको विवाह भएको भने छैन ।
घरभाडा तिर्न अनि आफ्नो र परिवारको पेट पाल्नका लागि ज्याला मजदुरी गर्न महालक्ष्मीस्थान चोकमा संगीतासँगै आउँछिन्, उनी ।
घर बुढा बा-आमा छन् । कमाएर उनीहरूको पेट पाल्ने दायित्व पनि मायाकै काँधमा छ । ‘गिट्टीबालुवा बोकेर बुवाआमालाई पालेकी छु, आजभोलि त पनि काम पाइँदैन,’ मायाले लोकान्तरसँग भनिन् ।
उनले प्रतिप्रश्न गरिन्, ‘तपाईंले फोटो खिच्नुभन्दा हामीलाई काम खोज्दिनुस् न ! कमसेकम हामीले खान पाउँथ्यौं । पत्रिकामा छापेर सरकारले जागिर दिने होइन, बरु तपाईंकै अफिसमा जागिर दिनुस् ।’
मायाले थपिन्, ‘पुलिसले त झन् भीडभाड भयो भन्दै हामीलाई लखेट्छ । काम गर्न दे, ज्याला मजदुरी गर्नेलाई नलखेट भनेर लेख्नुस् न बरू ।’
मायालाई कोरोना भाइरसको भन्दा पनि कामको चिन्ता छ ।
‘मान्छे यहाँ भोकले मरिएला जस्तो छ, भाइरस साइरसले केही गर्दैन,’ मायाले आफ्नो दुःख पोखिन् ।
कोरोनाको डरले साहुहरू काम लिएर नआउँदा उनीहरू मर्कामा छन् ।
***
गोरखाका प्रेमबहादुर राना मगर पनि महालक्ष्मीस्थानमा काम खोज्न आएका मध्ये एक हुन् । उनी मिस्त्री हुन् । काम पाएको खण्डमा दैनिक १३ सय रुपैयाँ कमाउँछन्, नभए दिनभरि यत्तिकै बित्छ ।
ललितपुरको महालक्ष्मीस्थान नजिकै डेरा गरी बस्छन्, उनी । दशैंमा बुवाले नयाँ कपडा लिएर आउनुहुन्छ भनेर घरमा छोराछोरी आश गरी बसेका छन्, तर उनको अहिले कमाइ छैन ।
छोराछोरीलाई लत्ताकपडा लाने त परको कुरा भाडा तिर्ने समेत चिन्ता छ उनलाई ।
‘अहिले भाडा मात्रै ८ सय लिन्छ रे, छोराछोरी आश गरेर बसेका छन्,’ प्रेमले लोकान्तरसँग भने, ‘सानी छोरीले लेहेंगा भनेकी छे, मेरो अवस्था यस्तो छ ।’
अहिलेको दशैंमा कोरोनाभाइरसका कारणले आउन नपाएको बताउने योजना रहेको प्रेमले बताए ।
‘खर्च भए पो जाने, कोरोनाभाइरस छ आउँदिनँ भन्छु भन्ने सोचेको छु । अब सापट गरेर दशैं खर्च भनेर १० हजार आईएमई गरिदिनुपर्ला,’ उनले लोकान्तरसँग आफ्नो योजना सुनाए ।
ललितपुरको महालक्ष्मीस्थानमा कामको खोजीमा दैनिक ३ सयसम्म श्रमिक भेला हुन्छन् ।
श्रमिक आवश्यकता पर्दा साहु वा ठेकेदारहरू आएर लैजान्छन्, नत्र कुरेरै समय बित्छ ।
आजभोलि त बिहानभरि कुरेर घाम छिप्पिएपछि घर फर्किनु उनीहरूको दैनिकी नै बनिसकेको छ ।
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...