धोनीको अद्भुत क्याच (भिडियो)

आईपीएलमा चेन्नई सुपर किंग्सका कप्तान महेन्द्र सिंह धोनीले कोलाकाता नाइट राइडर्सविरुद्ध बुधवार रातिको खेलमा अद्भुत क्याच समातेर प्रशंसकहरूलाई खुशी दिलाएका छन् । 

उक्त खेलमा चेन्नई हारेको भए पनि धोनीको क्याचले चाहिँ व्यापक चर्चा पायो । ३९ वर्षको हुँदा पनि धोनीको स्फुर्तिमा कुनै कमी नआएको यसले प्रमाणित गरेको छ । 


Advertisement

यूएईको राजधानी अबु धाबीमा भइरहेको आईपीएलको यस सीजनको २१औं म्याचमा उनले कुल चार क्याच लिए । त्यसमध्येको एक क्याच चाहिँ गजबको थियो । उनले अन्तिम समयसम्म पनि हावामा उडिरहेको बल पछ्याए

अनि जोडदार डाइभ हानेर सुन्दर क्याच समाते । 


Advertisement

कोलकाताको इनिङको अन्तिम ओभरको पाचौं बलमा शिवम मावीको ब्याटको छेउमा छोएर बल हावामा उड्यो र थर्ड म्यानतिर पुग्यो । धोनीले पहिलोपटक क्याच समात्न सकेनन् तर हार मानेनन् । 

जोश देखाउँदै उनले राम्रो डाइभ हाने र क्याच समाते । ड्वेन ब्राभोले आइपीएलको १५औं विकेट यसमार्फत लिन पाए । 

यस खेलमा चार क्याच लिएसँगै आईपीएलमा सबभन्दा बढी क्याच लिने दिनेश कार्तिकको रेकर्ड उनले बराबरी गरे । दुवैले १०४ क्याच लिएका छन् । 

एजेन्सी
एजेन्सी

लेखकबाट थप...

कमेन्ट गर्नुहोस्