मलेसियाका जल अधिकारीहरूले आफ्नो क्षेत्रमा आइपुगेका ६ वटा चिनियाँ जहाज र तिनमा भएका ६० कर्मचारीलाई पक्राउ गरेका छन् । 

माछा मार्न उपयोग गरिएका जहाजहरू चीनको चिनहुआङदोमा दर्ता गरिएका हुन् । ती जहाजहरू अफ्रिकाको मौरिटानियातर्फ माछा मार्न जाँदै थिए तर बाटैमा बिग्रेपछि मलेसियाको जोहोर राज्यमा रोकिनुपरेको थियो । 

जहाजहरूमा ६ कप्तान र ५४ कर्मचारीहरू रहेको र ती सबै चिनियाँ नागरिक भएको मलेसियन मेरिटाइम इन्फोर्समेन्ट एजेन्सीले एक बयान जारी गरेर जनायो । 

उनीहरूले मलेसियाली जलक्षेत्रमा गतिविधि गर्न वा एंकर खसाउन अनुमति नलिएको बयानमा उल्लेख गरिएको छ । जहाजहरू नियन्त्रणमा लिइएको पनि उसले जनायो । 

दक्षिण चीन सागरमा चीनको विवाद मलेसिया, इन्डोनेसिया, भियतनाम र फिलिपिन्ससँग परिरहने गर्छ ।