कोरोनाको उपचार सित्तैमा गराउने ट्रम्पको वाचा

अमेरिकाका राष्ट्रपति डोनल्ड ट्रम्पले विस्कन्सनमा रहेका आफ्ना समर्थकहरूलाई सित्तैमा कोरोनाभाइरसको उपचार गराउने बताएका छन् । 

‘मैले पाएको उपचार सबैजनालाई सित्तैमा उपलब्ध गराउनेछौं । एन्टीबडीहरू गजबका कुरा हुन्, हामी यो सित्तैमा उपलब्ध गराउनेछौं,’ ट्रम्पले विस्कन्सनको चुनावी र्‍यालीमा शनिवार बताए । ‘यो चुनाव ट्रम्पको नेतृत्वमा द्रुत पुनरुत्थाज र बाइडनको नेतृत्वमा आर्थिक मन्दीबीचको छनोट हो ।’


Advertisement

हिजै मिशिगनको मस्केगनमा बोल्दै ट्रम्पले नोभेम्बरको चुनावमा डेमोक्रेटहरूले जिते भने कोरोनाभाइरसको परिस्थिति झनै बिग्रेर जाने बताए । 

‘डेमोक्रेटहरूले कठोर तथा अवैज्ञानिक लकडाउन लगाएर हाम्रो आर्थिक पुनरुत्थानलाई अन्त्य गर्नेछन्,’ ट्रम्पले भने । ‘बाइडनले देशै बन्द गराउनेछन्, खोप ल्याउन ढिलाइ गर्नेछन् र महामारीलाई लम्ब्याउनेछन् ।’


Advertisement

कोरोनाबाट निको भएपछि ट्रम्पले चुनावी अभियान पुनः चलाउन थालेका छन् । 

आफूलाई दिइएको एन्टीबडी उपचार अमेरिकाका सबै अस्पतालमा वितरण गर्ने ट्रम्पले समर्थकहरूलाई बताए । 

ट्रम्पलाई वाल्टर रीड सैन्य अस्पतालमा कोभिड–१९ को उपचार गरिएको थियो । परीक्षणात्मक एन्टीबडी ककटेल दिएर कोरोनाभाइरसको स्पाइक प्रोटीनलाई नष्ट गरी उक्त उपचार भएको थियो । 

एजेन्सी
एजेन्सी

लेखकबाट थप...

कमेन्ट गर्नुहोस्