आइतवार इजरायल र अमेरिकाका अधिकारीहरू बहराइन गएर सहकार्य सहमति तथा इजरायल र बहराइनबीचको शान्ति सन्धिको अन्तिम टुंगो लगाउने भएका छन् । 
 

जेरुसेलम र मनामाबीच अनेकौं द्विपक्षीय सन्धिहरूमा हस्ताक्षर हुने अपेक्षा गरिएको छ । दुई देशबीचको औपाचारिक कूटनीतिक सम्बन्ध स्थापना भएसँगै संयुक्त बयान समेत जारी गरिनेछ । 

इजरायली तथा अमेरिकी प्रतिनिधिहरूलाई ई१ ए१ एयरलाइन्सको फ्लाइट ९७३ मा राखेर मनामा पुर्‍याइनेछ । 

अघिल्लो महिना यूएई र बहराइनले अमेरिकाको मध्यस्थतामा ह्वाइट हाउसमा शान्ति सम्झौता गरेका थिए । 

इजरायलका परराष्ट्रमन्त्री गाबी आश्केनाजीले अरब मुलुकहरूसँगको शान्ति सम्झौता वर्षौंको कूटनीतिक प्रयासबाट सम्भव भएको र यसले मध्यपूर्व क्षेत्रलाई लाभ पुग्ने बताएका छन् ।