भारतसँगको सीमा नजिक चीनले गर्‍यो युद्धाभ्यास

भारत र चीनबीच सीमाविवाद जारी रहँदै गर्दा चिनियाँ जनमुक्ति सेनाले मनोवैज्ञानिक दबाब कायम गर्नका लागि युद्धाभ्यास गरिरहेको छ । 

चीनको सरकारी मुखपत्र ग्लोबल टाइम्सका अनुसार, लाइभ फायर अभ्यासमा ९० प्रतिशत नयाँ हतियार उपयोग गरिएको छ । 


Advertisement

ग्लोबल टाइम्सका अनुसार, यो सैन्य अभ्यास ४७ सय मिटरको उचाइमा तिब्बत थिएटर कमान्डले गरेको हो । ग्लोबल टाइम्सले यसको एक भिडियो पनि जारी गरेको छ । 

चिनियाँ सेनाको रकेट फोर्सले एकैपटक भयंकर आक्रमण गरेर पूरै पहाडी क्षेत्रलाई ध्वस्त पारेको भिडियोमा देखिन्छ ।


Advertisement

चिनियाँ सेनाले गाइडेड मिसाइल आक्रमणको अभ्यास गरेको छ । अभ्यासका क्रममा चिनियाँ सेनाले तोप प्रहार समेत गरेको छ । सैनिकहरूले काँधमा राखेर प्रहार गरिने क्षेप्यास्त्र पनि प्रदर्शन गरिएको थियो । 

भारत र चीनबीच कैयौं चरणमा भएको वार्तापछि पनि लद्दाख गतिरोधको समाधान आएको छैन । 

एजेन्सी
एजेन्सी

लेखकबाट थप...

कमेन्ट गर्नुहोस्