दीपकको दशैं सम्झना : ५ रुपैयाँ जित्दा आफूलाई करोडपति सम्झिएको त्यो पल ‍‍...

रामजी ज्ञवाली
रामजी ज्ञवाली

ज्ञवाली लोकान्तरका कला र मनोरञ्जन संवाददाता हुन् ।

यसपटकको दशैं कसरी मनाउँदै हुनुहुन्छ ?

अलि फरक तरिकाले । पहिले जसरी होइन । मास्क लगाएर, कोरोना भगाएर, घरभित्रै बसेर, स्यानिटाइजर घसेर... ।


Advertisement

यो पटक दशैंमा मिस भएको कुरा के हो ?

मिस भाको कुराचाहिँ हामीलाई माया गर्ने दर्शक र मेरो एउटै हो ‘छक्का पञ्जा’ ।


Advertisement

जिन्दगीमा सबैभन्दा सम्झनलायक दशैंको सम्झना ?

हरेक सम्झना अर्कोभन्दा रोचक नहोला, तर फÞरक छ । त्यसैले म कम्पेयर गर्दिनँ ।

दशैंको सबैभन्दा महत्त्वपूर्ण पक्ष के हो ?

अवीरमा लत्पतिएको आशीर्वादसहित खाममा आएको पैसो अनि लंगुरगुच्चामा जितेको ५ रूपैयाँले आफूलाई नै करोडपति सम्झिएको पल । त्यो नै महत्त्वपूर्ण थियो । अहिले त्यो कहाँ पाउनु ?

दशैंमा सपिङ गर्ने बानी कत्तिको छ ? अहिले कसरी सपिङ गर्दै हुनुहुन्छ ? के–के किन्दै हुनुहुन्छ ? को–कसका लागि किन्दै हुनुहुन्छ ?

सपिङभन्दा त सपिङबाट स हटाएर पिङ नै राम्रो । सपिङ सेक्सन यसपटक मेरो मन्त्रालयमा पर्दैन ।

दशैंको राम्रो–नराम्रो पक्ष के–के हो ?

खल्तिमा जसको गाँठ छ, मन रमाइलो । मन रमाइलो सबै रमाइलो । पैसा नहुँदा वरपर अरूको दशैं बबाल देखेपछि त्यही दशैं नरमाइलो ।

दशैं मनाउने तरिका परिवर्तन हुँदै गएको जस्तो लाग्छ ?

पहिला पिङमा झुलिन्थ्यो । अहिले क्वार्टरले झुलिन्छ । क्वार्टरले पिङको जागिरै खाइसक्यो ।

दशैंका बेला खानपानमा ध्यान नदिएर धेरै मानिस बिरामी हुने गरेको थाहै छ, केही सुझाव दिनुस् न ?

मासु नखाई दशैं हुन्न भन्नेहरू नै हो समस्या । अर्को दशैं नै आउँदैन भन्ठानेर कोचेको कोच्यै गर्नुभएन नि ! रक्सी पनि खानु पर्‍यो तर घिच्नुभएन ।

सानो छँदाको दशैं सम्झना कत्तिको याद गर्नुभएको छ ?

सानो छँदा सपना सानो थियो । सन्तुष्टि धेरै थियो । अहिले उपलब्धि धेरै छ । सन्तुष्टि छैन । शायद, फरक त्यही हो ।

दशैंका बेला सधैँ सम्झनामा आउने एउटा याद के हो ?

मालाश्री धुन ।
 

रामजी ज्ञवाली
रामजी ज्ञवाली

लेखकबाट थप...

कमेन्ट गर्नुहोस्