अमेरिकाको शिकागोमा राष्ट्रपति डोनल्ड ट्रम्पका एक कट्टर समर्थक ट्रम्प टावरको १६औं तल्लामा डोरी लिएर झुण्डिएका छन् । डोरीमा झुण्डिँदै उनले ट्रम्पसँग कुराकानी गर्ने माग राखे । 

त्यो व्यक्तिलाई तल झार्नका लागि प्रहरी कर्मचारीहरूलाई हम्मेहम्मे परेको थियो । बल्लबल्ल सम्झाएर उसलाई तल बोलाइएको थियो । पछि प्रहरीले उसलाई पक्राउ गरेको थियो । ऊ पक्राउ परेपछि पनि राष्ट्रपतिसँग भेट्ने माग गरिरह्यो ।

अमेरिकामा नोभेम्बर ३ मा राष्ट्रपति निर्वाचन आउँदैछ । ट्रम्प अहिले चुनाव प्रचारमा व्यस्त छन् । उनको प्रतिस्पर्धा डेमोक्रेटिक पार्टीका जो बाइडनसँग छ । 

ट्रम्पले जो बाइडन तथा डेमोक्रेटिक पार्टीले अमेरिकाको इतिहास मेटाउन खोजेको र अमेरिकी मूल्यमान्यता त्याग्न प्रयास गरेको आरोप लगाए । बाइडनले मानिसहरूलाई खतरामा पार्ने ट्रम्पले दाबी गरे ।

आफ्नो आधार बचाइराख्न तथा मतदाताहरूलाई आफ्नो पक्षमा पार्न ट्रम्पले आह्वान गर्दै डेमोक्रेटिक पार्टीका नेताहरूलाई अमेरिकाविरोधी उग्रवादी संज्ञा दिए । उदारवादीहरूलाई रिपब्लिकन पार्टीमा समावेश हुन उनले आग्रह गरे ।

BREAKING VIDEO 🚨 Shocking scenes from Trump Tower Chicago — Man climbing on a rope from #TrumpTower building. Emergency services have reached. pic.twitter.com/cHYPpQyrtq

— Insider Paper (@TheInsiderPaper) October 18, 2020