चीनमा कोरोनाभाइरस महामारीले असर पारेको भए पनि अर्थतन्त्र चाहिँ बलियो नै छ । 

संसारको दोस्रो ठूलो अर्थतन्त्र जुलाईदेखि सेप्टेम्बर महिनासम्मको त्रैमासिकमा अघिल्लो वर्षको तुलनामा ४.९ प्रतिशतले बढेको सोमवार जारी गरिएको आँकडाले देखाएको छ । 

चीनमा दोस्रो त्रैमासिकमा ३.२ प्रतिशत आर्थिक वृद्धि भएको थियो । त्यतिखेर संसारभरि महामारीका कारण आर्थिक मन्दी छाएको भए पनि चीनमा त्यसको असर परेन । तर अपेक्षा गरेभन्दा अलि कमजोर वृद्धि भने देखियो । 

‘चीनको अर्थतन्त्र अघिल्लो त्रैमासिकमा तीव्र गतिमा बढिरह्यो । पुनरुत्थान व्यापक स्तरमा भइरहेको छ र लगानीमा आधारित स्टिमुलसमा कम निर्भर भइरहेको छ,’ क्यापिटल इकोनोमिक्स नामक संस्थाका लागि वरिष्ठ अर्थशास्त्री जुलियन इभान्स प्रिटचार्डले बताए । 

संसारका अधिकांश मुलुकहरूले भाइरससँग संघर्ष गरिरहँदा चीनको पुनरुत्थान तुलनात्मक रूपमा द्रुत गतिमा भइरहेको छ । भाइरस संक्रमण नियन्त्रणमा ल्याउनका लागि चीनले कठोर लकडाउन अपनायो र आर्थिक वृद्धिलाई तीव्रता दिन प्रमुख संरचना निर्माणमा सयौं अर्बौं डलर खर्च गरेन । यस वर्षको पहिलो नौ महिनामा चीनको अर्थतन्त्र ०.७ प्रतिशतको दरमा बढिरहेको छ । 

‘मासिक आँकडा हेर्दा पनि आर्थिक वृद्धि चौथो चौमासिकमा समेत बढिरहेको देखिएको छ,’ इभान्स–प्रिटचार्डले बताए ।