विगतमा एकीकरण भएर पनि फुटेका साझा पार्टी र विवेकशील दलबीच फेरि पार्टी एकता हुने भएको छ । 

दुवै दलको प्रतिनिधित्व रहेको राजनीतिक संवाद समितिले संयुक्त प्रतिवेदन तयार पारेर दुवै पार्टीका संयोजक/अध्यक्षलाई बुझाइसकेको छ ।

साझा पार्टीका तर्फबाट संवाद समिति संयोजक समीक्षा बास्कोटा र विवेकशील नेपाली दलका तर्फबाट संवाद समिति संयोजक निर्देश सिलवालले मंगलवार संयुक्त विज्ञप्ति जारी गर्दै पार्टी एकीकरणका लागि भएका प्रगतिबारे जानकारी दिएका छन् ।

समितिले तयार पारेको संयुक्त प्रतिवेदनलाई दुवै दलका संघीय/केन्द्रीय कमिटीमा पेश गरिएको र छलफल भइरहेको विज्ञप्तिमा उल्लेख छ । 

‘विगतमा भएका आफ्ना कमजोरीलाई स्वीकार्दै तथा जनभावनाको कदर गर्दै २०७७ असार ३१ गतेदेखि दुवै पार्टीले एकीकरण वार्ता शुरू गरेका थिए,’ विज्ञप्तिमा उल्लेख छ, ‘प्रतिवेदनलाई दुवै पार्टीका केन्द्रीय/संघीय समितिमा छलफल र अनुमोदन गर्दै आ–आफ्नो पार्टी विधानमा तोकिएको प्रक्रिया पूरा गरेपछि मात्र एकीकरणको प्रक्रियाले पूर्णता पाउनेछ ।’