भारतले बिहीवार बिहान राजस्थानको पोखरणमा नाग एन्टी ट्यांक गाइडेड मिसाइलको सफल परीक्षण गरेको छ । मिसाइलको वारहेड परीक्षण गरिएको हो । 

रक्षा अनुसन्धान एवं विकास संगठन (डीआरडीओ) ले बनाएको यस मिसाइलको परीक्षण बिहान ७ बजे गरिएको हो । नाग क्षेप्यास्त्र पूर्णतया भारतमै निर्माण गरिएको हो । डीआरडीओले यसका विभिन्न परीक्षणहरू गर्दै आएको छ । 

यस क्षेप्यास्त्रमा अचुक निशाना लगाउने क्षमता छ र शत्रुको ट्यांकलाई यसले ध्वस्त पार्न सक्छ । यसको तौल निकै हलुका हुन्छ । 

यो मध्यम र छोटो दूरीको क्षेप्यास्त्र हो र यसलाई लडाकू विमान, युद्धविमान तथा अन्य हतियारमा जडान गर्न सकिन्छ । 

भारतले एक महिनामा फरक फरक किसिमका आधा दर्जनभन्दा बढी स्वदेशी मिसाइलमा काम गरिसकेको छ ।