काठमाडौँ महानगरपालिकाले आफ्नो केन्द्रीय कार्यालयसँगै ३२ वटै वडा कार्यालय भवन सुविधा सम्पन्न र सेवाग्राही मैत्री बनाउने नीतिलाई निरन्तरता दिएको छ । 
काठमाडौँ महानगरपालिकामा प्रमुखको पदभार ग्रहण गरेसँगै मेयर विद्यासुन्दर शाक्यले आफ्नै कार्यकालमा  केन्द्रीय कार्यालयसँगै ३२ वटै वडा कार्यालय भवन एउटै शैली र स्वरुपमा सुविधा सम्पन्न र सेवाग्राही मैत्री बनाउने प्रतिवद्धता व्यक्त गरेका थिए । 
काठमाडौँ महानगरपालिकाको पहिलो नगर कार्यपालिकाको बैठकले पनि सोही निर्णय गरेको थियो । त्यसैलाई निरन्तरता दिँदै आज प्रमुख शाक्यले वडा–९ को वडा कार्यालय भवनको उद्घाटन गरे । 
उनले उद्‍घाटनपछि कार्यक्रमलाई सम्वोधन गर्दै आफ्नै कार्यकालमा केन्द्रीय कार्यालयलगायत ३२ वटै वडा कार्यालय भवन सुविधा सम्पन्न र सेवाग्राही मैत्री बनाउने भनेर गरेको निर्णयलाई पुर्णता दिएरै छाड्ने बताए। 
प्रमुख शाक्यले सबै वडा भवन बनाउने कार्यक्रम अन्तर्गत वडा वडा–१८ को उद्घाटन भै सकेको जानकारी दिए । 

कार्यक्रममा सम्वोधन गर्दै वडाध्यक्ष रामकृष्ण जयखु श्रेष्ठले करीब ४५ वर्षदेखि जीर्ण रहेको भवनबाट सेवा दिदैँ आएका वडा–९ ले सुविधा सम्पन्न भवनबाट सेवा दिन पाउँदा खुशी लागेको बताए ।