कात्तिक २७, २०८०
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
पूर्वपश्चिम राजमार्गमा पर्ने रुपन्देहीको सैनामैना नगरपालिकामा ब्लकले बनेको सानो घर । बेलमाया बस्नेतको त्यो घरभित्र १५ जनाको परिवार छ ।
जसमध्ये ४ छोरा र बुहारीसहित ९ जनाले कान सुन्दैनन् । पति पक्षघातका कारण लामो समयदेखि थलिएर उठ्न सक्दैनन् ।
आफूसहित १५ जनाको अभिभारा अहिले बेलमायाको काँधमा छ । छोराबुहारीको कमाइ खाँदै नातिनातिना खेलाएर बस्नुपर्ने ५५ वर्षीया बेलमायाले परिवार पाल्न संघर्ष गर्नुपरिरहेको छ ।
कोरोना भाइरस संक्रमणको महामारीले परिवारमा झन् समस्या निम्त्याएको छ । सांकेतिक भाषाको प्रयोग गर्नुपर्ने छोराहरूले कोरोनाका कारण ज्याला–मजदुरी काम पनि पाएनन् । यस्तो बेला बेलमायाले दैनिक मजदुरी नगर्दासम्म बस्नेत परिवारमा बिहान–साँझ चुलो बल्दैन ।
‘महामारीले गर्दा छोराहरूले मजदुरी पाएनन् । सांकेतिक भाषा बुझ्न नसक्दा काम पाउनै गाह्रो भएको छ । मै बुढीले दैनिक ज्यालादारी नगरी चुल्हो बल्दैन,’ बेलमायाले दुखेसो पोखिन् ।
लकडाउन अघिसम्म जसोतसो काम पाएका बेलमाया परिवारका सदस्यले ६ महिनायता रोजगारी गुमाएका छन् । कान नसुन्ने भएकै कारण बेरोजगार हुँदा बेलमायाको परिवार आर्थिक समस्यामा परेको छ ।
बेलमायाले गहभरि आँसु पार्दै भनिन्, ‘सांकेतिक भाषाको माध्यमबाट बोल्नुपर्दा काम पाउन गाह्रो छ । अझै त्यसैमाथि कोरोनाको डर बढी छ । कान नसुन्ने अपाङ्गहरूसँग खुलेर कुरा गर्न पनि चाहँदैनन् ।’
बेलमायाको परिवार बागलुङको हुग्दिशिर काफलठुटादेखि सैनामैनामा बसाइसराइँ गरी आएको हो । बेलमायाका पति कर्णबहादुर २० वर्षदेखि पक्षाघात (प्यारालाइसिस) ले थलिएका छन् । छोरा, बुहारी, नातिनातिको मात्र होइन, पतिको रेखदेखमा पनि बेलमायालाई फुर्सद छैन । प्यारालाइसिस भएकै कारण उनका पति पनि बोल्न सक्दैनन् । उपचारका लागि ३ लाख रुपैयाँ सकिए पनि निको नभएपछि अहिले कर्णबहादुर घरमै छन् ।
बेलमायाका ५ छोराहरू हुन । ४ छोरा कान सुन्दैनन् । तर बोल्न–सुन्न सक्ने कान्छा छोरा विकासको ४ वर्षअघि नै मृत्यु भइसकेको छ । वैदेशिक रोजगारमा जानका लागि तयार भएका उनी मोटरसाइकल दुर्घटनामा परेर बितेको बेलमाया बताउँछिन् ।
बेलमायाको परिवारमा पति, ४ छोरा र ४ बुहारी अनि नातिनातिना हुन् । पति, छोरा, बुहारी गरी ९ जना बहिरा छन् । ४ छोरा जन्मैदेखि नै बोल्न नसक्ने भएका हुन् । सबै सांकेतिक भाषाबाट कुरा गर्छन् । छोराहरूको बिहे भइसकेको छ । बुहारीहरू पनि सांकेतिक भाषाबाट मात्र बोल्न गर्छन् ।
जेठा छोरा चेतबहादुर घरमा नै भैसी र बाख्रापालन शुरू गर्ने तयारीमा छन् । आमासँगै मजदुरी गर्दै आएका चेतबहादुरको रोजगारी कोरोनाले गुमेको छ । चेतबहादुरकी पत्नी हरिकलाको कपडा सिलाउने सीप भए पनि डिजाइनबारे नबुझ्ने हुँदा रोजगार पाउन सकेकी छैनन् । लामो समयपछि मजदुरीको लागि अवसर नपाएपछि अहिले चेतबहादुर सहकारीबाट ऋण लिएर घरमा भैसी पाल्ने योजनामा छन् ।
माइला छोरा शेरबहादुर काम खोज्नको लागि काठमाडौं गए पनि काम पाएका छैनन् । काठमाडौंबाट घर फर्किने पैसा नभएको भन्दै आफूलाई फोन आउने गरेको बेलमायाले सुनाइन् । साइला छोरा दानबहादुर र काइला छोरा तेजबहादुरले १२ कक्षासम्म पढेका छन् । पढेको भए पनि कान नसुन्ने हुँदा रोजगार दिन धेरैले आनाकानी गर्ने गरेको अनुभव तेजबहादुरको छ ।
‘बेटरको तालिम समेत मैले लिएको छु । केही समय बुटवलमा काम पनि पाए । तर सञ्चालक परिर्वतनपछि जागिर गुम्यो । कान नसुनेकै कारण अप्ठ्यारो भएको भन्दै मलाई जागिर दिएनन्,’ उनले भने । २१ वर्षका तेजले काठमाडौंबाट बिहे गरेका छन् । उनी पनि कान सुन्दैनन् । तेजबहादुर पत्नी सोनालाई सिलाइकटाईमा लगाउने इच्छा रहेको बताउँछन् ।
नातिनातिना साना भएका कारण बेलमायालाई सघाउन सक्दैनन् । त्यसैले पनि जीविका चलाउन गाह्रो भएको बेलमायाको भनाइ छ ।
सैनामैना नगरपालिका–३ का वडाध्यक्ष रत्नबहादुर पौडेलले बेलमायाको परिवार समस्यामा परेको हुँदा नगरपालिका र वडाबाट हुने सहयोग गर्ने बताए । वडाबाट अपाङ्गता भएका व्यक्तिले पाउने सुविधा सबैले पाउँदै आएको अध्यक्ष पौडेलले बताए ।
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...