चीनसामु अडिग उभिएको भन्दै मोहन भागवतले गरे मोदीको प्रशंसा

भारतमा दशहरा पर्वको अवसरमा राष्ट्रिय स्वयंसेवक संघका प्रमुख मोहन भागवतले आइतवार सम्बोधन गर्दै चीनसामु अडिग रूपमा उभिएको भन्दै प्रधानमन्त्री नरेन्द्र मोदीको प्रशंसा गरेका छन् । 

उनले भने, ‘चीनले सामरिक बलको अभिमानमा हाम्रो सीमामा अतिक्रमण गरेको कुरा संसारसामु स्पष्ट छ ।’


Advertisement

तर भारतीयहरू एकजुट भएर चीनलाई आफ्नो शक्तिको अनुभव दिलाएको उनले बताए । ‘चीनले जस्तो सोच कसैले राख्छ भन्ने उसले बुझ्नुपर्छ, हामी त्यति कच्चा छैनौं । युद्धकै स्थिति आएछ भने पनि हाम्रो तयारी, दृढता र सजगता कम छैन,’ उनले भने । 

उनले भने, ‘चीनको विस्तारवादी स्वभावका बारेमा सबै जानकार छन् । यसपटक उसले एकैपटक ताइवान, भियतनाम, अमेरिका, जापान र भारतसँग झगडा गरेको छ । तर भारतले दिएको जवाफले ऊ तर्सियो । उसलाई धक्का लाग्यो किनकि भारतले छाती उठाएर सामना गर्‍यो । भारतीय सेनाले आफ्नो वीरताको परिचय दियो । भारतीयहरूले देशभक्तिको परिचय दिए ।’


Advertisement

संसारका अन्य देशले पनि चीनलाई गाली गर्न थालेको उनले बताए । अन्य देश पनि उसको सामना गर्न थालेकोले ऊ बढी सचेत हुनुपर्ने भागवतको भनाइ छ । 

असामान्य परिस्थिति विकास भएकाले यसको प्रतिक्रिया उसले कसरी दिन्छ भन्ने थाहा नभएको भागवतले बताए । 

भारतले सावधानी र सामरिक तयारी दुवै उच्च राख्नुपर्ने उनले बताए । सामरिक, आर्थिक र कूटनीतिक रूपमा भारतले चीनभन्दा ठूलो बन्नुपर्ने अनि मात्र उसलाई रोक्न सकिने उनको भनाइ छ । 

एजेन्सी
एजेन्सी

लेखकबाट थप...

कमेन्ट गर्नुहोस्