दीक्षान्त समारोहका लागि त्रिविले खोल्यो आवेदन

त्रिभुवन विश्वविद्यालय (त्रिवि) ले ४६ औं दीक्षान्त समारोहमा भाग लिनका लागि विद्यार्थीसँग आवेदन माग गरेको छ ।

त्रिविले सूचना प्रकाशित गरी समारोहमा इच्छुक विद्यार्थीसँग आवेदन माग गरेको हो ।


Advertisement

पुसमा महिनामा हुने समारोहमा सहभागी हुन २०७६ असार १ गतेदेखि २०७७ जेठ ३२ गतेसम्म सेमेस्टर र वार्षिक परीक्षा प्रणालीअनुसार स्नातक, स्नातकोत्तर तह र एमफिल तह उत्तीर्ण गरी ट्रान्स्क्रीप्ट लिएका र सोही अवधिभित्र विद्यावारिधि पूरा गरेका विद्यार्थीले आवेदन दिन सक्ने त्रिविले जनाएको छ ।

आवेदन फाराम अनलाइनबाट आउँदो मंसिर १ गतेभित्र भरिसक्ने भनिएको छ । 


Advertisement

समारोहमा भाग लिनका लागि स्नातक तहले ३ हजार ७००, स्नातकोत्तर तह र एमफिलले ४ हजार २०० र विद्यावारिधिले ४ हजार ७०० शुल्क बुझाउनुपर्ने छ । तीमध्ये १ हजार ५०० धरौटीबापतको शुल्क हो भने अन्य शुल्क दीक्षान्त शुल्क हो ।

समारोहमा सहभागी हुन चाहने विद्यार्थीले २ जना अभिभावकसम्म सरिक गराउन सक्नेछन् । गत वर्ष भएको दीक्षान्त समारोहमा ९ हजार ५०४ विद्यार्थी सहभागी भएका थिए ।

कमेन्ट गर्नुहोस्