कर्णालीको राजधानी वीरेन्द्रनगरमा चार सेन्टिमिटरभन्दा बढी उचाइ भएको कालोपत्रे शुरू भएको छ ।

संघीय आयोजना कार्यालय इकाइले दुई सेन्टिमिटर कालोपत्रे गर्नुपर्ने भनेर आशिश श्याम एण्ड शंकरलाई ठेक्का दिएपनि कम्पनीले चार सेन्टिमिटर कालोपत्रे गरेको हो ।

वीरेन्द्रनगर नगरपालिकाको गौरवको आयोजनाको रुपमा रहेको एयरर्पोर्ट–कालिमचोक–घन्टाघर–गणेश चोक (हटलाइन) को पिच निर्माणको  काम आजदेखि शुरू भएको हो ।

दुईतर्फ नालासहित २ लेनको सडक निर्माण भैरहेको  संघीय आयोजना कार्यान्वयन इकाई सुर्खेतका इञ्जिनीयर टीकाराम पोख्रेलले लोकान्तरलाई बताए ।

हाल सडकको पिच गर्ने काम शुरू भैरहेको छ । केही समयभित्रै उक्त सडकको निर्माण काम सम्पन्न हुनेछ ।

इञ्जिनीयर पोख्रेलले भने, 'सडकको पिच प्रिमिक्स प्रविधिबाट भैरहेको र सोका लागि प्रिमिक्स प्लान्टमा तयार गगरी पेभर प्रयोगबाट  उक्त सडकको पिचको निर्माण कार्य भैरहेको छ ।

७ करोड ४३ लाखमा सम्झौता भई निर्माण भैरहेको उक्त सडकको म्याद २०७७ पुस १३ सम्म रहेको छ ।

सम्झौताअनुसार दुई सेन्टिमिटरको सम्झौता भएपनि पेभर प्रयोग गरी  कालोपत्रे गर्दा सम्झौताभन्दा बढी नै कालोपत्रेको मोटाइ भएको श्याम एण्ड शंकरका प्रमुख पदमबहादुर खड्काले बताए ।