×

NMB BANK
NIC ASIA

पर्दा पछाडिका कथा–व्यथा : चलचित्रकर्मीको पुर्पुरोमा हात !

कात्तिक २९, २०७७

NTC
Sarbottam
Premier Steels
Marvel

स्वदेशी चलचित्र हेर्ने बानी नेपाली दर्शकसँग कमै थियो । राम्रा–राम्रा चलचित्र निर्माण भए पनि विदेशी चलचित्रप्रति दर्शकको मोह बढी देखिन्थ्यो ।

Sagarmatha Cement
Muktinath Bank

फिल्म हलमा विदेशी चलचित्र प्रदर्शनका बेला खर्लप्पै भीड लाग्ने तर नेपाली चलचित्र प्रदर्शनका बेला वास्तै नराख्ने !


Advertisment
RMC TANSEN
IME BANK INNEWS
shivam ISLAND

लामै समय यी र यस्ता विषय बहसको रूपमा उठे । बहसमा चलचित्र राम्रो बनाउन सकियो भने दर्शक किन आउँदैनन् भन्ने गरियो । सोही अनुसार दर्शक तान्न नेपाली चलचित्रकर्मीहरू स्क्रिप्टमा मेहनत गर्न थाले, विदेशका अग्ला भवनअघि जम्बो टीमसहित फिल्म खिच्न पुगे ।


Advertisment
Nabil box
Kumari

लण्डन, अमेरिका, अस्ट्रेलियालगायत संसारका महंगा शहरदेखि नेपालमा कसैले पनि खिच्न नसकेको स्थान मनाङ, मुस्ताङ, तिलिचोजस्ता जोखिमयुक्त ठाउँ पुगेर चलचित्र पर्दामा उतारियो ।

Vianet communication
Laxmi Bank

बिस्तारै दर्शक बढ्दै गए । एउटै चलचित्र प्रदर्शन गरेर १८ करोड रुपैयाँसम्म नाफा कमाउने स्थिति बनेको थियो । चलचित्र उद्योगमा लगानी गरेर राम्रैै आम्दानी गर्न सकिन्छ भन्ने उदाहरण पछिल्ला केही चलचित्रको नाफाबाट बन्यो ।

तर एकाएक अन्य देशमा जस्तै नेपालमा पनि कोरोना भाइरस संक्रमणले महामारीको रूप लियो । गत चैत ११ गतेदेखि शुरू लकडाउनसँगै नेपालका चलचित्र हलहरू पूर्ण रूपमा बन्द भए । चलचित्र उद्योगबाट ४ हजार प्राविधिकको रोजीरोटी मात्रै खोसिएन, कोरोनाले निर्माता, निर्देशक, कलाकार लगायत अधिकांश चलचित्रकर्मीलाई बेचैन बनायो ।

अहिले झण्डै ८ महिना लामो कोरोनाको अवरोधपछि आमनागरिकको जीवन सामान्य लयमा फर्किंदैछ । सार्वजनिक क्षेत्र पुनः सञ्चालनमा हुन थालेका छन् । बजारमा चहलपहल शुरू भइसकेको छ । लामो समय कोठाभित्रै उकुसमुकुस भएर गुम्सिएका नागरिक अहिले घरबाहिर निस्किन थालेका छन् । पर्यटकीय स्थलमा आन्तरिक पर्यटकको भीड लाग्न थालेको छ । सबैजसो व्यवसाय चलमलाएका छन् । तर चलचित्र हल भने खुलेको छैन । चलचित्र उद्योग कहिलेसम्म अनिश्चित रहन्छ ? सोचनीय विषय बनिरहेको छ ।

अमेरिका, लण्डन, भारत लगायतका विभिन्न देशले कोरोना कहरबीच नै चलचित्र हल खोले । तर हल खोल्नु र नखोल्नु उस्तै भयो । लण्डनमा दर्शक नआएपछि सबैजसो हलमा चाबी लगाइयो । हलिउडको मुख्य शहर अमेरिका पनि अधिकांश हल खोलिए पनि बिजुलीको पैसा समेत तिर्न सक्ने अवस्था नभएपछि पुनः बन्द गरियो । भारतमा आधा दर्शक मात्रै राख्ने गरी हल खोल्ने नियम बनाए पनि कर्मचारीले मात्रै चलचित्र हेर्ने अवस्था आयो, सोही कारण फेरि धमाधम हल बन्द हुन थालेका छन् । सलमान खान, अक्षय कुमार जस्ता स्टारका चलचित्र दर्शकसम्म पुग्न ‘ओटीटी प्लेट फर्म’को बाटो खोज्दैछन् ।

कोरोना महामारीसँगै निम्तिएको संकटले नेपाली चलचित्रकर्मीलाई पनि चिन्तित बनाएको छ । अहिले हल खुलिहाले पनि हलमा पुगेर चलचित्र हेर्ने बानी बसालेका दर्शक तान्न निकै सकस पर्ने चलचित्र क्षेत्रका जानकारहरूको अनुमान छ । नेपालमा जनसंख्याको २ प्रतिशतले मात्रै चलचित्र हेर्ने अनुमान गरिन्छ । तर हल खुला भयो भने १ प्रतिशत दर्शक पनि हलमा आउने सम्भावना नरहेको चलचित्र उद्योगका जानकारहरू अनुमान गर्छन् ।

तर विश्व स्वास्थ्य संगठनको मापदण्डअनुसार सामाजिक दूरी कायम गर्दै हल खोल्नुको विकल्प नरहेको चलचित्रकर्मीहरूको भनाई छ । सरकारले सम्पूर्ण सिनेमा घर खुला गर्न निर्देशन दिए दर्शक आउँछन् त ? सिनेमा हलमा भीडभाड हुने भएकाले कोरोनाको खोप र औषधि नबन्दासम्म संकट कायमै रहने बताइन्छ । यसरी चलचित्रकर्मीको पुर्पुरोमा हात परेको छ ।

के भन्छन् चलचित्रकर्मी ?

करोडौं रकम खर्चिएर निर्माण हुने चलचित्र सामग्री ‘एक्जिट’ हुने विन्दु फिल्म हल कहिले खुल्छ, कसरी खुल्छ र खुले भने दर्शक आउँछन् वा आउँदैनन् भन्ने कुराले चलचित्रकर्मीको ‘निद्रा हराम’ गराएको छ । चलचित्र निर्देशक दिनेश राउत भन्छन्, ‘हामी यसै क्षेत्रबाट पेट पाल्ने भएकाले कामहरू शुरू गरेका छौं । तर हल खुल्ने अनिश्चितकाल जस्तै छ । अहिले तुरुन्तै हल खुले पनि दर्शक आउँछन् भन्नेमा म पनि विश्वस्त छैन ।’

यद्यपि राउतले २ वर्षपछिका लागि भए पनि अहिले चलचित्रको छायांकन थाल्नुपर्ने बताउँछन् । उनी आफैं अभिनेता प्रदिप खड्कालाई लिएर नयाँ चलचित्र बनाउँदैछन् ।

यसअघि जनयुद्ध र विभिन्न आन्दोलनले चलचित्र क्षेत्र धरासायी भएको थियो । तर यत्तिको डामाडोल भने पहिलोपटक भएको चलचित्र विज्ञहरूले अनुमान गरेका छन् । वरिष्ठ चलचित्रकर्मी निर शाह भन्छन्, ‘अहिलेसम्म जे भयो, जसो भयो । कोरोनाको औषधि नआउँदासम्म सावधानी अपनाएर काम गर्नैपर्छ । चलचित्र उद्योगलाई पुनः पहिलाकै स्थितिमा ल्याउन सरकारले पनि धेरै कुरामा सहयोग गर्नुपर्छ ।’ 

‘सरकारले १ वर्ष लगातार लकडाउन गरेको भए चलचित्र उद्योग झन् धरासायी हुने र टेक्निसियन लगायत चलचित्रकर्मीहरू भोकभोकै मर्नुपर्ने स्थिति आउँथ्यो,’ अभिनेता पुष्प खड्का भन्छन्, ‘अब कोरोना भन्दै घरमा बस्न सक्ने कसैको स्थिति छैन । सावधानी अपनाएर काम गर्नुपर्छ ।’  अन्य देशमा जस्तो राहत, सहयोग जस्ता काममा सरकारले ध्यान नदिएको तथा अन्य सेवा सुविधामा सरकारले बेवास्ता राखेको पुष्पको गुनासो छ ।

चलचित्र प्राविधिक संघका अध्यक्ष पुष्कर लामाका अनुसार संघमा स्पट ब्वाई, लाइट म्यान, मेकअप म्यान, ड्रेस म्यान, क्ल्याप ब्वाईजस्ता गरी १ हजार ५०० सदस्य छन् । ‘विकास बोर्ड र केही सम्पन्न चलचित्रकर्मीको सहयोगमा राहत पनि प्रदान गरियो,’ उनले भने, ‘उनीहरूको अवस्था अब पहिलाजस्तै हुनका लागि धमाधम काम पाउनुपर्छ । तर पहिलाजस्तो काम आएको छैन ।’ अध्यक्ष लामा अन्य देशमा सरकारले चलचित्रकर्मीलाई जसरी सहयोग गरेको छ, त्यस्तो सहयोग भने नेपालमा नभएको गुनासो गर्छन् ।

चलचित्र ‘प्रेम गीत ३’मा सन्तोष सेनले करीब ४ करोड खर्चिए । प्रदर्शनको बेला लकडाउन शुरू भयो । यसको खर्च झन् बढ्यो । सेन भन्छन्, ‘बजेट झन् बढ्यो । यसको ब्याजले झन् चिन्ता थपेको छ ।’ चैत २८ गते चलचित्र प्रदर्शन गर्ने उनको योजना थियो, सोही अनुरुप चलचित्रको प्रचार–प्रसारका लागि गीत, टिजर, पोस्टर लगायतका सामग्री सार्वजनिक गरिएको थियो । तर हल खुल्ने र दर्शक खचाखच भरिने कहिले हो पक्का छैन ।

करोडौं खर्चिएर निर्माण गरेको चलचित्रलाई हलमा दर्शक भरिभराउ हुने स्थिति नदेखिँदासम्म प्रदर्शन नगर्ने योजनामा छन् सन्तोष सेनले । उनी भन्छन्, ‘म मात्रै होइन, म लगायत अन्य केही साथीभाइले पनि राम्रै लगानीमा चलचित्र बनाउनुभएको छ । तर खर्च उठ्ने सम्भावना नरहेसम्म कसरी चलचित्र चलाउनु ?’ सेनजस्तै राम्रै लगानी गरेका धेरैजसो निर्माता पर्ख र हेरको स्थितिमा छन् । दर्शक आएको अवस्थामा मात्रै हलमा चलचित्र चलाउने, नत्र यत्तिकै थन्क्याएर राख्ने योजना रहेको देखिन्छ । 

चलचित्र निर्देशक अनुप बरालले अब के गर्न सकिन्छ भन्नेमा ध्यान केन्द्रित गरेर अघि बढ्नुपर्ने बताए । निर्माता, निर्देशक, कलाकार तथा सरकारीतवरबाट छलफल गरेर चलचित्र उद्योगलाई चलायमान गराउनुपर्ने उनको तर्क छ । उनी भन्छन्, ‘छायांकन भए पनि, सम्पादनका कामहरू भए पनि हल नखुल्दासम्म चलचित्र उद्योग ठप्प जस्तै हो । त्यसो भएकाले अब कसरी हल खोल्ने र दर्शक तान्ने यसमा फोकस हुनुपर्ने बेला भइसकेको छ ।’

कलाकार माओत्से गुरुङले सरकारले चलचित्र उद्योगको रक्षाका लागि गम्भीर हुनुपर्ने बताउँछन् । ‘म आफैं ५ वटा गुरुङ भाषाका चलचित्रको लागि डेट कुरिरहेको छु,’ उनले भने, ‘केही चलचित्रको छायांकन शुरू गर्ने योजना गराएको छु । केही चलचित्रमा आफैं अभिनय गर्दैछु । तर हल खुलेपछि र दर्शक आउन थालेपछि चलचित्रमा काम गर्ने आँट आउँथ्यो ।’

अभिनेता नाजिर हुसेनले समग्र चलचित्र उद्योगको राम्रोका लागि सरकारले चलचित्रकर्मीको पक्षमा निर्णय लिनुपर्ने बताउँछन् । हुसेन थप्छन्, ‘यो उद्योग बन्द भयो भने हजारौंको रोजीरोटी बन्द हुन्छ । यस्तो गाह्रो परिस्थितिमा पनि सरकारले सहयोग नगर्ने ?’

हल सञ्चालकको तयारी के छ ?

नेपालको सबैभन्दा ठूलो मल्टिप्लेक्स क्यूएफएक्स ठप्प हुँदा करीब १ हजार कर्मचारीको जागिर धरापमा छ । अन्य हलमा कार्यरत कर्मचारीको समेत अनुमानित तथ्यांकअनुसार २ हजारभन्दा धेरै हलका कर्मचारी रोजगारविहीन जस्तै छन् । उनीहरू काममा कहिलेदेखि फर्किन्छन् भन्ने पत्तो छैन । क्यूएफएक्सका प्रमुख कार्यकारी अधिकृत (सीईओ) रोशन अडिगाले अहिले हल भाडा मात्रै तिरिएको अवस्थामा जतिसक्दो चाँडो हल खोल्नुपर्ने बताउँछन् । उनले भने, ‘व्यापार जे जस्तो भए पनि सरकारले छिट्टै हल खोलोस् । सरकारको निर्देशिकाअनुसार काम गर्न तयार छौं ।’

चलचित्र संघले आफूहरूलाई सरकारको सहयोग हुन नसकेको गुनासो गरेको छ । बिजुली तथा ब्याज केही महिनालाई निःशुल्क गरिदिन, बैंकमा तिर्नुपर्ने ऋणको समय केही पछि सारेर सहयोग गरिदिन संघले सरकारसँग सहयोगको अपेक्षा गरेको छ । तर अहिलेसम्म सरकारले यसका लागि पहल नगरेको संघको भनाई छ ।

सरकारले चलचित्रलाई अति प्रभावित क्षेत्रमा राखेर होटल तथा पर्यटनलाई सरह सहयोग गरे खण्डमा चलचित्र चलायमान हुने सम्बद्ध पक्षले दाबी गरेका छन् । गत वर्ष फागुन १६ गतेसम्म ५६ वटा चलचित्र प्रदर्शन भएका थिए । २०७५ सालमा भने ९६ वटा चलचित्र प्रदर्शन भए । तर २०७७ सालमा भने चलचित्र प्रदर्शन हुने सम्भावना एकदमै कम रहेको अनुमान गरिएको छ ।

चलचित्र संघका महासचिव अशोक शर्माले सरकारले चलचित्र उद्योगलाई उद्योगको मान्यता दिए पनि राहत, विभिन्न सेवा सुविधामा वास्तै नराखेको गुनासो गरेका छन् । महासचिव शर्मा भन्छन्, ‘चलचित्रभन्दा बढी मान्छेको चहलपहल हुने ठाउँ खुलिसके । अब हल खोल्नुपर्छ । हलवालाले सुरक्षित तरिकाले चलचित्र देखाए भएन ?’

क्यूएफएक्स सञ्चालक भास्कर ढुंगानाले हल व्यवसायीले १ रुपैयाँ व्यापार विना करोडौं नोक्सान व्यहोरिरहेका बताए । हल नखुल्दा उठीबास हुने अवस्था आएको ढुंगानाको गुनासो छ । अब केही समयभित्रै हल नखुल्ने र दर्शक आउने स्थिति नबनेको अवस्थामा धेरै हल सञ्चालक हल छाड्ने र चलचित्र उद्योग झन् पछि धकेलिने उनको कुरा छ ।

अधिकांश हल सञ्चालकले स्वास्थ्य सुरक्षा मध्यनजर गर्दै अन्य क्षेत्रजस्तै हल सञ्चालनमा ल्याउन आग्रह गरेका छन् । तर स्वयं हल सञ्चालकहरू भने हल खुलेपनि दर्शक आउनेमा भने पूर्ण विश्वस्त छैनन् ।

तत्कालै दर्शक आउने सम्भावना छैन : नकिम उद्धिन, निर्देशक, क्यूएफएक्स

कोरोनाका कारण अन्य देशमा जस्तै नेपाली चलचित्रलाई पनि नराम्रोसँग प्रभावित पारेको छ । नेपालमा लकडाउन त खुल्यो तर हल खुला भएको छैन । मैले भारत र बाहिरका केही चलचित्रकर्मीसँग कुरा गरेको थिएँ, त्यहाँ हल खुला भए पनि दर्शक नआएकाले बन्द गर्नुको अर्को विकल्प नदेखेको बताएका छन् । नेपालमा पनि हल खुलेको अवस्थामा नयाँ चलचित्र प्रदर्शन गर्न निर्माताहरू तयार हुन्छन् जस्तो मलाई लाग्दैन । कतिपयले गर्लान् त्यो अर्कै कुरा भयो । नयाँ चलचित्र प्रदर्शन गर्न नपाएपछि हल खोल्नुको औचित्य नै भएन ।

केही पुराना चलचित्र चलाएर हलको खर्च बढाउनुबाहेक अरु केही हुन्छ जस्तो लाग्दैन । हामी हल खोल्न त तयार छौं तर मलाई के लाग्छ भने कोरोनाको भ्याक्सिन नआएसम्म सिनेमा बजारको हालत खराब हुने देखेको छु । अझै १ वर्ष दर्शक हलमा आउने सम्भावना एकदमै कम देखेकाले सरकारले हल सञ्चालकको पक्षमा केही सहयोग गरिदिनुपर्नेछ ।

जोखिम बहन गर्ने जिम्मा निर्माताहरूकै हो : आकाश अधिकारी, चलचित्र निर्माता संघ नेपाल

जतिसुकै प्रविधिको जमाना आए पनि नयाँ चलचित्र ठूलो पर्दामा हेर्नुको मज्जा छुट्टै हुन्छ । दर्शक पनि नयाँ चलचित्रका लागि ठूलो पर्दा नै खोज्ने गरेका कारण संसारभर हलहरूको तीब्र विकास भएको हो । तर कोरोनाका कारण सबैभन्दा प्रभावित उद्योग चलचित्र उद्योग बनेको छ । सरकारले चलचित्र प्रदर्शनका लागि बाटो खुला गरिदिनुपर्छ ।

सरकारले छिट्टै हल खोल्ने सम्भावना देखेको छु । हल खुल्नासाथ नयाँ र राम्रा चलचित्र आवश्यक पर्छ । तर केही समय दर्शक आउने सम्भावना कम छ । सोही कारण आफ्नो बजेट हेरेर कुन चलचित्र चलाउन ठीक हुन्छ, कुन हुँदैन भनेर स्वयं निर्माताले निर्णय लिनुपर्ने अवस्था आएको छ । नयाँ चलचित्र नभई दर्शक हलमा आउँदैनन् । नयाँ चलचित्रका निर्माताले  निर्माण खर्च उठ्ने आशा नभएका कारण यो पनि सम्भावना एकदमै कम छ ।

निर्माता संघको पहलमा चलचित्र विकास बोर्डले अहिले केही टेलिभिजनमा ५०–६० प्रतिशत छुट गरेर विज्ञापनमा छुट गराउने योजना ल्याएको छ । नेपाल चलचित्र निर्माता संघले लुम्बिनी फाइनान्ससँग मिलेर पूर्ण लगानीको १ प्रतिशत प्रोजेक्ट इन्सुरेन्स गरिदिने निर्णय भइसकेको छ । यो इन्सुरेन्स २०७७ सालसम्म रहने निर्णय भए पनि हामीले २०७८ सालमा पनि गरिदिन अनुरोध गरेका छौं । यी कुराले थोरै भए पनि राहत हुने अनुमान गरेको छु ।

हाल छायांकन सकिएर पोस्ट प्रोडक्सनको काम भइरहेका फिल्म ४० को हाराहारी छन् । छायांकन क्रम रोकिएका र छायांकनमा जान नपाएका ५० जति छन् । तर केही चलचित्र छायांकनमा गएका छन् । मेरो बुझाइ अनुसार अहिले ५० करोडको हाराहारी खर्च धरापमा छ ।

‘पावर फूल’ भएन ‘डिजिटल प्लेटफर्म’

विश्व बजारमा ‘डिजिटल प्लेटफर्म’ राम्रै फस्टाइरहेको छ । तर नेपालमा डिजिटल प्लेटफर्म पावरफूल हुन सकेको छैन । यूट्युबले मात्रै चलचित्र निर्माताको खर्च फिर्ता हुने सम्भावना छैन । केही वर्षअघिसम्म राम्रै चलेको भनिएको आइफ्लिक्स बन्द भयो । एनसेलले सञ्चालनमा ल्याएको आइफ्लिक्सबाट मुनाफा कमाउन नसकेपछि ३ वर्षे सम्झौता नसकिँदै एनसेलले बन्द गरेको थियो ।

भारतमै अमिताभ बच्चन, आयुष्मान खुरानाका चलचित्र डिजिटल प्लेटफर्ममै रिलिज भए । सुशान्त सिंह राजपुतकै अन्तिम चलचित्र डिजिटल प्लेटफर्ममै रिलिज भयो । अक्षयकुमार, अजय देवगनजस्ता स्टारका चलचित्रले पनि सिनेमा हलको विकल्प खोजे । तर नेपालमा भने चाहेर पनि डिजिटल प्लेटफर्ममार्फत चलचित्र प्रदर्शन गर्ने सम्भावना छैन । 

केही समयअघि मात्रै अभिनेत्री ऋचा शर्मालगायत टीमले चलचित्र टीभी एप सार्वजनिक गरेको थियो । तर यो एप पनि खासै चलेन । अभिनेत्री ऋचाकै अनुसार नयाँ चलचित्र शुरूमा आफ्नो एपमा सार्वजनिक नगर्दासम्म एप सोचेजस्तो सफल नहुने बताउँछिन् । लकडाउनपछि फिल्म क्षेत्र चलायमान राख्न केही निर्माताले डिजिटल माध्यमबाट चलचित्र प्रदर्शन गर्ने प्रयास नगरेका पनि होइनन् । तर आर्थिक हिसाबले लगानी फर्किने सम्भावना नरहेपछि यो बहस सेलायो । यस्तो कठिन परिस्थितिमा पनि डिजिटल प्लेटफर्म पावर हुन नसक्दा महंगो बजेट खर्चिएर निर्माण गरिएका चलचित्र हलकै प्रतिक्षामा छन् ।

के भन्छ विकास बोर्ड ?

चलचित्र विकास बोर्डले लकडाउनपछि नेपाली चलचित्र क्षेत्रमा १२ हजारभन्दा बढी श्रमजीवी फिल्मकर्मी प्रभावित भएको जनाएको छ । चलचित्र विकास बोर्डका अध्यक्ष दयाराम दाहालले कोरोनाबाट प्रभावित नेपाली चलचित्र क्षेत्रलाई सम्बोधन गर्न सरकारले पहल गरिरहेको जानकारी दिए । श्रमजीवी फिल्मकर्मीदेखि निर्माण, प्रदर्शन र निर्माता लगायतलाई राहतका लागि पहल भइरहेको छ,’ उनले भने, ‘कतिपयलाई सहयोग भइसकेको छ भने कतिपयलाई हुने क्रममा छ ।’ बोर्ड अध्यक्ष दाहालका अनुसार अन्य व्यवसाय जस्तै चलचित्र क्षेत्र नरहेकाले हल खोल्न र चलचित्र चलाउन निर्माता र हल सञ्चालक समेत तयार हुनुपर्छ ।

नेपालभर ११५ वटा हलमा ७० हजारभन्दा धेरै दर्शक एकैपटक अट्न सक्ने क्षमता छ । विदेशी चलचित्र प्रदर्शन गरेर वार्षिक १० करोडभन्दा धेरै चलचित्र विकास शुल्क आउँछ । उत्तिकै मात्रामा राजस्व उठ्ने गरेको छ । नेपाली र हलिउड तथा बलिउडका चलचित्रबाट मासिक २० करोडभन्दा धेरैको व्यवसाय हुने गरेको थियो । लकडाउनसँगै देशभर फिल्म प्रदर्शन र हलको व्यापारमा मासिक अनुमानित करीब २० करोड रुपैयाँ नोक्सान परेको छ ।

हल खुल्ने अनिश्चितकाल जस्तै छ । हल खुला भयो भने दर्शकलाई आकर्षित गर्ने सरकारी कुनै तयारी छैन । विश्व चलचित्र बजारमा कोरोना महामारीबीच हल खुला भएपछि दर्शकले देखाएको प्रतिक्रियाबाट नेपाली चलचित्रकर्मीहरू चिन्तित छन् । चलचित्र बजारमा अहिले चलचित्र उद्योगलाई लिएर फेरि अर्को बहस हुन थालेको छ, चलचित्र हलमा गएर फिल्म हेर्ने सिस्टम बिस्तारै हराउने त हैन ? यदि कोरोनाको महामारी रहिरह्यो भने हलमा गएर चलचित्र हेर्ने चलन हराउन सक्ने विज्ञहरूको अनुमान छ ।

hAMROPATRO BELOW NEWS
TATA Below
कात्तिक २०, २०८०

‘लुट’बाट सेलिब्रिटी निर्देशकको छवि बनाएका निश्चल बस्नेत निर्देशित आगामी चलचित्र ‘दिमाग खराब’ यही शुक्रवारबाट प्रदर्शनमा आउँदैछ ।  तिहारको अवसर पारेर प्रदर्शनमा आउन लागेको चलचित्...

मंसिर १२, २०८०

यस वर्ष अहिलेसम्म प्रदर्शनमा आएका ३३ नेपाली चलचित्रमध्ये ६ वटा मात्र सफल भएका छन् । २ दर्जन बढी चलचित्रको लगानी भने बालुवामा पानी सरह देखिएको छ । सफल हुनेमध्ये वैशाख १ गतेबाट प्रदर्शनमा आएको ‘जारी&rsqu...

फागुन २७, २०८०

अभिनेता प्रदीप खड्का फेरि अर्को फिल्ममा अनुबन्धित भएका छन् । लामो समयदेखि बेलायत बस्दै आएका निर्देशक प्रदीप शाहीको निर्देशनमा बन्ने नयाँ फिल्ममा उनको शीर्ष भूमिकामा अभिनय रहने भएको हो ।   गतवर्ष प्रदर्शनमा...

फागुन २, २०८०

वैशाखको १४ गतेबाट प्रदर्शनमा आउने फिल्म ‘बोक्सीको घर’को फस्र्टलुक पोस्टर सार्वजनिक गरिएको छ । बुधवार सरस्वती पूजाको अवसर पारेर अभिनेत्री केकी अधिकारीको होम प्रोडक्सनमा निर्माण भएको यो फिल्मको पो...

असोज ३०, २०८०

बडा दशैँको अवसर पारेर गत शुक्रवारबाट प्रदर्शनमा आएको नारायण रायमाझी निर्देशित चलचित्र ‘परदेशी २’ले दर्शकबाट सुखद् प्रतिक्रिया पाइरहेको छ ।  हलबाट निस्किँदै गरेका दर्शकहरूले आजको नेपाली समा...

मंसिर २७, २०८०

निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x