अक्षयकुमार अहिले बलिउडका सबैभन्दा महंगा अभिनेता हुन् । एकपछि अर्को चलचित्र हिट दिएपछि अक्षयको चर्चा ह्वात्तै बढेको हो ।

हालै अक्षयले अर्को चलचित्र साइन गरेका छन्, जुन चलचित्रको लागि उनले दैनिक २ करोड पारिश्रमिक लिनेछन् । अक्षयले उक्त चलचित्रका लागि ५० दिन निरन्तर समय दिनुपर्ने भारतीय मिडियाले जनाएका छन् ।

५० दिन निरन्तर छायांकनमा समय छुट्याएका अक्षयले २ करोड दैनिक पारिश्रमिक लिने शर्तअनुसार उनले यो चलचित्रबाट मात्रै १ सय करोड पारिश्रमिक बुझ्नेछन् ।

चलचित्रलाई मुदस्सर अजीजले निर्माण गर्न लागेका हुन्, जुन चलचित्र पूर्ण कमेडी जनरामा निर्माण हुनेछ ।

अक्षयले लिने पारिश्रमिककै रेटमा चलचित्रका अन्य खर्च भने पुग्नेछ । चलचचित्रको बजेट १ सय ५० करोड छुट्टाइएको जनाइएको छ ।

चलचित्रका लागि डिजिटल र विभिन्न माध्यमबाट प्रदर्शनका लागि अग्रिम ९० करोड हात परिसकेको छ । निर्माण टीम बाँकी बजेट रिकभरका लागि थियटरमा निर्भर रहनेछ

अक्षयका पछिल्ला अधिकांश चलचित्रले थियटरबाट २ सयभन्दा धेरै करोड हात पारिरहेका छन् । यो चलचित्र कहिलेदेखि छायांकनमा जान्छ, त्यो भने अहिले निर्णय भइसकेको छैन ।