पाकिस्तानले चीन–पाकिस्तान आर्थिक कोरिडोर (सीपेक) परियोजनालाई भारतले निशाना बनाउने योजना बुनिरहेको आरोप लगाएको छ । 

पाकिस्तानका परराष्ट्रमन्त्री शाह महमूद कुरैशीले भने, ‘भारतले सीपेक परियोजनामा भाँजो हाल्न ८० अर्ब रुपैयाँ छुट्ट्याएको छ । तर पाकिस्तान र चीन मिलेर यसलाई कुनै पनि हालतमा सुरक्षित पार्नेछन् ।’

उनले थप बताए, ‘चीनलाई भारतको यो षड्यन्त्रको राम्रो ज्ञान छ । सीपेक परियोजनालाई हानि गर्ने सबै षड्यन्त्रलाई मिलेर विफल तुल्याउने भनी चीनले बयान दिइसकेको छ ।’

‘इस्लामिक देशहरूको संगठन ओआईसीको आगामी बैठकका हामी यो कुरा उठाउनेछौं । भारतले कस्तो खतरनाक खेल खेल्न लागेको छ, हामी संसारलाई सुनाउनेछौं ।’