गाउँसभा बैठकका निर्णय बदर गर्न माग गर्दै अदालतमा मुद्दा

प्रतिकात्मक तस्वीर

गाउँसभा बैठकका निर्णय बदर गर्न माग गर्दै सिरहाको बरियारपट्टी गाउँपालिकाका उपाध्यक्ष तथा केही वडाध्यक्षले अदालतमा मुद्दा दायर गरेका छन् । 

कानूनी प्रक्रिया पूरा नगरी गाउँपालिकाका अध्यक्षले मनपरी रूपमा गाउँसभा गरेको भन्दै बदरको माग गर्दै गाउँपालिकाका उपाध्यक्ष रेखाकुमारी यादव, वडा नम्बर १ का वडाध्यक्ष नेवालाल यादव, वडा नम्बर ४ का वडाध्यक्ष नवीनकुमार यादव र स्थानीय गुमस्ताकुमार यादवलले उच्च अदालत जनकपुर इजलाश राजविराजमा मुद्दा दायर गरेका हुन् । 


Advertisement

गाउँपालिका अध्यक्ष सन्तोषकुमार महतोले केही वडाध्यक्षको मिलोमतोमा कानून विपरीत गाउँसभा गरेको भन्दै गाउँपालिका अध्यक्ष, वडाअध्यक्ष तथा प्रमुख प्रशासकीय अधिकृतलाई विपक्षी बनाइ मुद्दा दायर गरिएको कानूनका विद्यार्थी समेत रहेका गुमस्ताकुमार यादवले जानकारी दिए ।

असार १० गतेभित्र गाउँसभा गरिसक्नुपर्ने प्रावधान भए पनि गत कात्तिक २ गते बरियारपट्टी गाउँपालिकाको गाउँसभा सम्पन्न भएको थियो ।    


Advertisement

कमेन्ट गर्नुहोस्