भारतको बिहार राज्यका मुख्यमन्त्री नीतीश कुमारको एक ‘अंगुलीमाल’ प्रशंसक छन् । 
 

प्राचीनकालमा बुद्धलाई भेटेर पुण्यको बाटोमा लाग्ने अंगुलीमाल चाहिँ हैनन् यी । ती अंगुलीमाल अर्काको औंला काटेर माला लगाउँथे भने यी चाहिँ आफ्नै औंला काट्ने गर्छन् । 

यी प्रशंसकले नीतीश कुमार मुख्यमन्त्री बनेमा आफ्नो एक औंला काटेर चढाउने भाकल गरेका थिए । नीतीशले पछिल्लो तीनपटक चुनाव जित्दा उनले आफ्ना तीन औंला बलि बढाएका थिए । अहिले नीतीशले चौथोपटक

पदको शपथ लिँदा यी समर्थकले चौथो औंला काटेर भगवान् गोरैया बाबालाई चढाएका छन् । 
 

जहानाबादको वैना गाउँमा बस्ने अनिल शर्मा ४५ वर्षका भए र उनी नीतीशका अंगुलीमाल हुन् । 

सन् २००५ मा पहिलोपटक औंला काटेर गोरैया बाबालाई चढाएका अनिलले चौथोपटक औंला काट्न पटक्कै हिचकिचाएनन् । 

आफ्ना प्रिय नेताप्रति कुनै पनि समर्थकको यस्तो प्रेम विरलै देख्न पाइन्छ । 

उनको यस सनकले धेरै मानिसलाई चिन्तित पनि बनाएको छ । नीतीशलाई तलमाथि भयो भने यिनले के गर्लान् भनी मानिसहरू चिन्तित बनेका हुन् ।