स्थानीय बजारमा बुधवार पनि सुनको भाउ ओरालो लागेको छ ।

कोरोना भाइरस विरुद्धको खोपले क्रमशः सफलता हासिल गरेको समाचार अन्तर्राष्ट्रिय रूपमा नै सार्वजनिक भएपछि विश्वव्यापी रूपमा नै सुनको भाउ क्रमशः ओरालो लागेको छ । 

प्रभावस्वरुप नेपाली बजारमा समेत पहेंलो धातुको भाउमा ह्रास आएको हो । नेपाल सुनचाँदी व्यवसायी महासंघका अनुसार बुधवार सुनको भाउ प्रतितोला १ हजार रुपैयाँले घटेको छ ।

महासंघका अनुसार बुधवार छापावाला सुन प्रतितोला ९१ हजार ५०० रुपैयाँमा कारोबार भएको छ । मंगलवार प्रतितोला ९२ हजार ५०० रुपैयाँमा कारोबार भएको छापावाला सुन बुधवार १ हजारले घटेको हो । 

मंगलवार प्रतितोला ९२ हजार रुपैयाँमा कारोबार भएको तेजाबी सुन पनि बुधवार प्रतितोला १ हजारले ओरालो लागेर ९१ हजार रुपैयाँमा कारोबार भएको छ ।

चाँदीको मूल्य प्रतितोला २५ रुपैयाँले घटेको छ । मंगलवार प्रतितोला १ हजार १८० रुपैयाँमा कारोबार भएको चाँदी बुधवार भने प्रतितोला १ हजार १७५ रुपैयाँमा कारोबार भएको छ । केही समय पहिले सुुनको भाउ प्रतितोला १ लाख २ हजार रुपैयाँसम्म पुगेको थियो ।