नेपालमा सन् २००० देखि सजावटी रंगहरूको उत्पादन गर्दै आएको बर्जर जेन्सन एण्ड निकल्सन (नेपाल) प्रालिले सञ्चालन गरेको उपभोक्ता योजना  बर्जर कलर स्प्ल्यासका विजेताको घोषणा गरेको छ ।

योजना २०७६ सालको बडादशैं र तिहारलाई लक्षित गरेर भदौदेखि २०७६ पुससम्म सञ्चालन गरिएको थियो । योजना अन्तर्गत ग्राहकले बर्जर पेन्टका उत्पादन खरीद गर्दा १०० वर्गफिट सिल्क इलुजन डिजाइनर्स फिनिस पक्का उपहार प्राप्त गरेका थिए ।

भाग्यशाली गोला प्रथा र डिजिटल प्रतियोगितामार्फत् अन्य आकर्षक उपहारहरू जित्ने अवसर पनि दिइएको थियो ।

योजनामा सहभागी ६ हजारभन्दा बढी ग्राहक मध्येबाट १७८ जना भाग्यशाली विजेताको घोषणा प्रत्यक्ष लक्की ड्रबाट गरिएको थियो । 

बम्पर पुरस्कार अन्तर्गत विराटनगरका जयनाथ सापकोटाले ५ लाख रुपैयाँ तथा प्रथम पुरस्कार अन्तर्गत बिर्तामोडका पूर्णमान गुरुङ र काठमाडौंका रमेश श्रेष्ठले ‘लण्डन ट्रीप’ पाएका छन् ।

लक्की ड्रबाट २५ जना विजेताले दोस्रो पुरस्कार अन्तर्गत ३२ इन्चको सामसुङ्ग टीभी, ५० जना विजेताले तेस्रो पुरस्कार अन्तर्गत आन्तरिक ट्रीप र १०० जना विजेताले सान्त्वना पुरस्कारमा सामसुङ्ग एम२० पुरस्कारहरू प्राप्त गरेका छन् ।

योजना अन्तर्गतकै डिजिटल प्रतियोगिताको विजेतामध्ये दुर्गा लामिछाने र सुरेश लामिछानेले बाहिरी समूहको लागि र मनोज सिटौला र चानु खड्का भण्डारीले भित्रि समूहको लागि प्रथम पुरस्कारबापत जनही १/१ लाख रुपैयाँका दरले नगद पुरस्कार जितेका छन् ।

दोस्रो पुरस्कार विजेताहरू यमबहादुर बस्नेत र सरला अधिकारीले बाहिरी समूहको लागि तथा राजु लामा र हेम प्रसाद ढकालले जनही ५०/५० हजारका दरले नगद पुरस्कार जितेका छन् । तेस्रो पुरस्कार अन्तर्गत बाहिरी समूहमा वसन्तकुमार बस्नेत र लिला खड्का तथा भित्री समुहमा घदेन्द्र राई र धनबहादुर बस्नेतले जनही २५/२५ हजार रुपैयाँका दरले नगद पुरस्कार जितेका छन् भने सान्त्वना पुरस्कारमा २० जना घरधनीहरू प्रत्येकले १०/१० हजार रुपैयाँ प्राप्त गरेका छन् ।

योजनामा पब्लिक च्वाइस अवार्डको विजेता बिर्तामोडका प्रदिप राईले सामसुङ्ग ए३० पुरस्कार जितेका छन् । विजेताको सम्पूर्ण विवरण बर्जर पेन्ट्सको फेसबूक पेज र वेबसाइटमा राखिएको छ । विजेतालाई आफ्नो पुरस्कार यो नतिजा प्रकाशित भएको मितिबाट १५ दिनभित्रमा आफ्नो नजिकको बर्जर सेल्स डिपोमा सम्पर्क राख्न हुन सबै विजेतालाई सूचित गरिएको छ ।