ट्वान्टी ट्वान्टी क्रिकेट सिरिजमा इङ्ग्ल्यान्डले घरेलु टिम दक्षिण अफ्रिकालाई पराजीत गरेको छ । 

पार्लमा भएको दोस्रो खेलमा दक्षिण अफ्रिकालाई ४ विकेटले पराजित गर्दै इङ्ग्ल्यान्डले एक खेल अगाडि नै सिरिज जितेको हो ।

दक्षिण अफ्रिकाले दिएको १ सय ४७ रनको लक्ष्य इङ्ग्ल्यान्डले १९ ओभर ५ बलमा ६ विकेट गुमाएर पूरा गर्यो । इङ्ग्ल्यान्डको जितमा डाविड मालनले ५५ रनको अर्धशतकीय पारी खेले ।

यसअघि पहिले ब्याटिङ गरेको दक्षिण अफ्रिकाले २० ओभरमा ६ विकेट गुमाएर १ सय ४६ रन बनाएको थियो । जितसँगै इङ्ग्ल्यान्डले ३ खेलको सिरिजमा २–० को अग्रता समेत बनाएको छ ।

 शुक्रबार राति भएको खेलमा इङ्ग्ल्यान्डले दक्षिण अफ्रिकालाई ५ विकेटले हराएको थियो ।

दुई टिमबीचको तेस्रो तथा अन्तिम खेल मंगलवार हुनेछ ।