फागुन ५, २०८०
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
मंसिर १६, २०७७
खानेपानीको चरम समस्या भोग्दै आइरहेको बुटवलमा आजभन्दा २७ वर्ष अगाडि पाल्पाको सिस्नेखोलाको पानी बुटवल ल्याउन योजना अगाडि बढाइयो । तत्कालीन बुटवल नगरपालिकाको पहलमा नेपाल खानेपानी संस्थानको योजनामा ३ करोड रुपैयाँ केन्द्रीय बजेटमा पानीको अभाव पूर्ति गर्ने पहल थालियो ।
मुहानको ‘इन्टेक’ निर्माणदेखि पाइप बिच्छ्याउने काम समेत अगाडि बढिसकेको थियो । तर, सरकार परिवर्तन र विभिन्न उतारचढावसँगै प्रभावकारी रूपमा काम हुन सकेको थिएन । त्यसै बेला सोही पानीको उपयोग गर्ने गरी गौतमबुद्ध लघु ‘हाइड्रो प्रोजेक्ट’ योजना आएपछि खानेपानी योजना छायाँमा पर्यो । खानेपानी बुटवल ल्याउँदा मुहानमुनिका बस्तीमा पानी अभाव हुने भनेर लगदुवाका गाउँलेले विरोध समेत गरे, जसले गर्दा ३ करोड खर्चिएर काम भएको त्यति ठूलो सिस्नेखोला खानेपानी आयोजना अलपत्र पर्यो ।
२०५१/०५२ सालमा ठूलो लगानी गरिएको आयोजना अलपत्र भएपछि बुटवलवासीमा ठूलो निरासा छाएको बताउँछन् तत्कालीन बुटवल नगरपालिकाका प्रमुख भोजप्रसाद श्रेष्ठ ।
उनी भन्छन्, ‘ठूलो महत्त्वको योजना सरकार परिवर्तन निर्वाचन र ‘हाइड्रो प्रोजेक्ट’ आउँदा बुटवलवासीलाई त्यो बेलाको पानी खुवाउने सपना अझै पूरा भएको छैन । म मेयर हुँदा पनि तदारुकता देखाएँ । तर, विभिन्न अल्झनले काम अलपत्र भयो ।’
२०६३ मा बुटवलमा सर्वदलीय समितिले सिस्नेखोलाको पानी बुटवल ल्याउन सम्भव नदेखेपछि पाल्पाकै अर्को झुम्साखोलाबाट पानी ल्याउनुपर्ने निचोडमा पुगे । झुम्साखोला तिनाउको नदीको सहायक खोला हो ।
२०६८ मा बुटवलदेखि १५ किलोमिटर झुम्सावासीको मागलाई सम्बोधन खानेपानी संस्थानले झुम्साखोला खानेपानी योजना अगाडि बढायो । ‘बुटवल खानेपानी तथा सुदृढीकरण’ नाम दिइएको आयोजनाका लागि १९ करोड ५६ लाखको बजेट थियो । योजना तिनाउ गाउँपालिकाको झुम्साबाट ल्याइने पानी आयोजनाका लागि नाला खरिदमा अनियमितता भएको उजुरी परेपछि अलपत्र भयो ।
एसियाली विकास बैंक (एडीबी) को ऋण अनुदानमा पहिलोपटक मझौला तथा एकीकृत शहरी वातावरणीय आयोजनाअन्तर्गत खानेपानी आयोजना शुरू गरिएको थियो । २७ वर्षदेखि झुम्सा र पाल्पाको पानी बुटवल ल्याउने योजना अझै शुरूकै बिन्दुमा छ भन्दा पनि फरक पर्दैन । झुम्साखोला खानेपानी आयोजनालाई बुटवलको मेलञ्चीका रूपमा पनि चिनिन थालेको छ ।
दोभानका स्थानीय दलबहादुर गुरूङले स्थानीयको माग पूरा नगरी आयोजना अगाडि बढाउँदा सिस्नेखोला आयोजना अगाडि बढ्न समस्या भएको बताए । अहिले विभिन्न अवरोध झेल्दै पुनः झुम्साखोला आयोजना अगाडि बढेको छ । बुटवल खानेपानी सुधार आयोजनाका रूपमा निर्माण हुने उक्त बाँध, इन्टेक र ड्याम बनाउन थालिएको छ ।
फेरि पुरानो बाँध भत्किएपछि नयाँ बाँध निर्माण थालनी
यसअघि निर्माण भएको बाँध भत्किएपछि अहिले अर्को व्यवस्थित ड्याम र इन्ट्याक्ट निर्माण गर्न लागिएको हो । यो नयाँ योजनाको शुरूआती काम हो । नेपाल खानेपानी संस्था बुटवलका प्रमुख मोहनदत्त भट्टले अब आयोजनाले गति लिने बताए । उनले भने, ‘दुई वर्षभित्र मेनलाइनको पाइप बिच्छाउने र मुहान ड्याम निर्माण सम्पन्न गरेर ट्याङकी निर्माण हुन्छ । त्यसपछि सर्भिस लाइनका पाइप बिच्छाइन्छ ।’
यो वर्ष बुटवल रामफेदीदेखि करीब १३.५ किमी टाढा रहेको उक्त स्थानमा इन्टेक निर्माण गरेर पानीलाई दुईवटा ठूला पाइपमार्फत बुटवलसम्म ल्याउने योजना छ ।
त्यहाँदेखि झुम्सा हुँदै बुटवलको रामफेदीसम्म यसअघि बिछ्याइएका पाइपलाई पनि मर्मत गरिने भएको छ । यसअघि बिछ्याइएका १० इन्च पाइपसँगै अब २० इन्चका पाइप थपिने छ भने झुम्सादेखि बाँध स्थलसम्म यसअघिका २० इञ्चका पाइपसँगै अब थप २० इञ्चका पाइप बिछ्याइने छ ।
बाँधसँगै मुख्य ‘ट्रान्समिसन पाइप’ लाइनको पनि निर्माण सम्झौता भएर काम गरिने भट्ट बताउँछन् । यो कामलाई पनि ०७९ वैशाखभित्रै सक्ने लक्ष्य लिइएको छ । बाँध लगायतका संरचनाहरूको निर्माण लागत ७३ करोड ६४ लाख, पानी प्रशोधन प्रणाली, पानी भण्डारण ट्यांकी, वितरण प्रणाली निर्माणका लागि भने ५ अर्ब ६१ करोड ७१ लाख रुपैयाँसहित आयोजनाको कूल लागत छ अर्ब ३५ करोड ३५ लाख लाग्ने अनुमान गरिएको छ ।
बुटवलमा दैनिक ३ करोड लिटर पानी माग
अहिले बुटवलमा दैनिक ३ करोड ४० लाख लिटर खानेपानीको माग रहेको छ । तर, आपूर्ति भने दुईदेखि ढाइ करोड लिटरसम्म हुने गरेको छ । हाल दैनिक करीब ६० लाख लिटर पानी अपुग छ ।
तिनाउबाट दैनिक ७० लाख लिटर र ११ वटा ट्युबबेल (बोरिङ्ग) बाट ८० लाख लिटर गरी खानेपानी आपूर्ति गरिएको संस्थानले जनाएको छ । बुटवल उपमहानगरपालिकाका उपप्रमुख गुमादेवी आचार्यले झुम्साको पानी बुटवलका १९ वटै वडामा वितरण हुने बताइन् ।
बुटवलको सबैभन्दा बढी खानेपानीको समस्या वडा नम्बर ७ र ८ मा छ । दुई वडालाई लक्षित गरी एसियाली विकास बैंकको सहयोगमा निर्माण गरिन लागेको डीप बोरिङ पार्टीका स्थानीय कार्यकताहरूले विरोध गरेपछि दुई वर्षअगाडि निर्णय फिर्ता भएको थियो ।
स्रोतको अभाव हुँदैनः अर्थमन्त्री पौडेल
विष्णु पौडेल अर्थमन्त्री भएका बेलामा आयोजनाका लागि एक अर्ब रुपैयाँ बजेट छुट्टिएका छन् । अहिलेको योजना सफल बनाउन अर्थमन्त्री पौडेलले चासो दिएका छन् । ‘बजेट छ, स्रोत छ, साधन छ, जनसमुदाय सहयोग गर्न तयार छ, समर्थन सबैको छ, समुदायसमेत उत्साही र अग्रसर छ तर काम किन ढिला भइरहेको छ ?’
आयोजनाका काममा भइरहेको ढिलाइबारे चिन्ता व्यक्त गर्दै अर्थमन्त्री पौडेलले भने, ‘पहिलेका असफलता, ढिलासुस्तीबाट गतिलो पाठ सिकेर अब प्रभावकारी र गुणस्तरीय काम गर्नुहोला ।’
काम गरेर जनताको मन जित्न र आफ्नो विश्वसनीयता आफैं बढाउन उनले आग्रह गरे । खानेपानी मन्त्रालयका सचिव माधव बेल्बासेले अब तोकिएको समयमै काम सक्न आयोजनाका अधिकारीलाई बाँधस्थलबाटै निर्देशन दिए ।
बुटवलको जनसंख्या २ लाखभन्दा बढी छ । बसाइँसराइ र आर्थिक केन्द्र बुटवलमा दिनप्रतिदिन मानिसहरू थपिने क्रम जारी छ ।
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...