अस्ट्रेलियाली सैनिकको क्रूरता सार्वजनिक, अफगानी लडाकूको नक्कली खुट्टाबाट पिए बीयर

अस्ट्रेलियाको विशेष सैन्यबलका सैनिकहरूले अफगानिस्तानमा मृत तालिबान लडाकूको नक्कली खुट्टाबाट बीयर पिएको तस्वीर द गार्डियन पत्रिकाको अस्ट्रेलिया संस्करणले प्रकाशन गरेको छ । 

तस्वीरमा एक वरिष्ठ बहालवाला सैनिकले अनधिकारिक बारमा नक्कली खुट्टाबाट बीयर पिएको देखिन्छ । घटना उरुजगान प्रान्तको राजधानी तारिन कोटमा सन् २००९ मा भएको हो । 


Advertisement

अर्को तस्वीरमा दुई सैनिकहरूले उक्त खुट्टा हातमा लिएर नाचेको देखिन्छ । 

यसरी नक्कली खुट्टाबाट रक्सी पिउने अभ्यासलाई उच्च अधिकारीहरूले अनुमति दिने गरेको र आफैं पनि संलग्न हुने गरेको केही सैनिकहरू बताउँछन् । उनीहरूले तालिबान लडाकूको नक्कली गोडालाई विजय उपहारका रूपमा राख्ने गरेको पाइएको छ जबकि उनीहरूले युद्धभूमिबाट त्यस्तो कुरा लान पनि पाउँदैनथिए, राख्नु त परैको कुरा हो । 


Advertisement

यस्तो संस्कृति अपनाएकोमा सैनिकहरूलाई ब्रेरेटन प्रतिवेदनमा आलोचना गरिएकोमा जवानहरू रिसाएका छन् किनकि उच्च अधिकारीहरू आफैं पनि यसमा संलग्न रहने गरेको उनीहरूको भनाइ छ । लडाकू संस्कृतिका कारण

यस्ता किसिमका युद्धअपराधहरू हुने गरेको ब्रेरेटन प्रतिवेदनमा उल्लेख गरिएको छ । 
 

बीयर पिउन उपयोग गरिएको नक्कली गोडा एसएएसआर २ स्क्वाड्रन आक्रमणमा मारिएका तालिबान लडाकूको भएको विश्वास गरिएको छ । 

उक्त नक्कली गोडा युद्धभूमिबाट लिइएको र फ्याट लेडीज आर्म्स नामक बारमा राखिएको अनि त्यस बारमा पुग्नेहरूले त्यसबाट बीयर पिउने गरेको बताइन्छ । 

वरिष्ठ कमान्डरहरूले कहिलेकाहीँ बार पुग्ने अनि विशेषगरी एन्जाक डेको दिन उक्त नक्कली खुट्टाबाट बीयर पिउने गरेका थिए । 

अस्ट्रेलियाको विशेष सैन्य बल समुदायमा वरिष्ठ अधिकारीहरूले खुट्टाबाट बीयर पिउने गरेको हल्ला चलिरहेको भए पनि तस्वीर नै चाहिँ पहिलोपटक सार्वजनिक भएको हो । 
 

एजेन्सी
एजेन्सी

लेखकबाट थप...

कमेन्ट गर्नुहोस्