शख्तर डोनेक्ससँग २-० ले पराजित भएपछि रियल मड्रिड च्याम्पियन्स लिग फुटबल प्रतियोगिताको समूह चरणबाटै बाहिरिने खतरा बढेको छ ।

गएराति भएको खेलमा डेन्टिन्हो र सोलोमनको गोलको मद्दतमा शख्तर २-० ले विजयी भयो ।

यससँगै शख्तर हेड टु हेडमा रियललाई पछि पार्दै अंक तालिकाको दोस्रो स्थानमा उक्लिएको छ ।

रियल मड्रिड भने तेस्रो स्थानमा झरेको छ ।

समूह चरणबाट दुई टीम मात्र राउण्ड अफ सिक्स्टिनमा पुग्छन् ।

समूहको अन्तिम खेलमा अब रियलले अंक तालिकाको शीर्ष स्थानमा रहेको बोरुसिया मोञ्चेनग्लादब्याकको सामना गर्नेछ ।

उक्त खेलमा अंक हासिल गर्न नसके रियलको च्याम्पियन्स लिग यात्रा यहीँ सकिनेछ ।