ब्रािजलको सान्ता क्याटरिना राज्यमा बैंक लुटेपछि लुटेराहरूले सडकमा पैसा फालेका छन् । पैसा देखेर मानिसहरू लिनका लागि दौडेका छन् । 

घटना मंगलवार भएको हो । राति राइफल लिएर आएका दुई दर्जनभन्दा बढी लुटेराहरूले लगभग चार बैंक लुटे । उनीहरूले त्यसक्रममा ६ जनालाई बन्धक बनाए । 

सबै लुटेराले कालो कपडा लगाएका थिए । 

प्रहरी र लुटेराबीच गोली हानाहान भएको थियो । कम्तीमा दुईजना घाइते भएका छन् । 
 

ग्लोबो टीभीको रिपोर्टअनुसार, बैंक लुट्न ३० जना अपराधी १० कारमा आएका थिए । उनीहरूले शहरका कैयौं बाटो बन्द गरिदिएका थिए । प्रहरी घटनास्थलमा छिटो नपुगोस् भनी उनीहरूले त्यसो गरेका थिए । 

प्रहरीले चारजना लुटेरालाई पक्राउ गरिसकेको छ । लुटिएको केही रकम पनि बरामद गरिएको छ । 

शहरका मेयर सी साल्भारोले लुटेराहरू निकै तयारी गरेर आएको बताए । 

लुटेराहरूले सडकमा पैसा छरेको दृश्य फिल्मको जस्तो देखिएको स्थानीयहरूले बताए ।