नेपालमा कोरोनाभाइरस (कोभिड- १९) संक्रमण भई मृत्यु हुनेको संख्या १ हजार ५ सय ६७ पुगेको छ ।

पछिल्लो २४ घण्टामा १६ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।

१ हजार २ सय ७२ जना नयाँ संक्रमित फेला परेका छन् भने १ हजार ५ सय ७५ जना निको भएको मन्त्रालयको तथ्यांकमा उल्लेख छ ।

यससँगै संक्रमितको कुल संख्या २ लाख ३८ हजार ८ सय ६१ पुगेको छ भने २ लाख २१ हजार ८ सय ४७ जना निको भएका छन् ।

सक्रिय संक्रमितको संख्या १५ हजार ४ सय ४७ छ ।