कोरोना महामारी रोकिएको छैन । भारतमा हरेक दिन यसबाट संक्रमण हुनेको संख्या बढिरहेको छ । तथापि, विभिन्न चलचित्रको छायांकन भने जारी छन् । केही दिन पहिले ‘जुग जुग जियो’को छायांकन शुरू भएको थियो ।

चलचित्रमा बरुण धवन, अनिल कपुर, कियारा आडवाणी, नितु कपुर लगायतका कलाकारको भूमिका छ । राज मेहेताले चलचित्रको निर्देशन गरिरहेका छन् ।

आज मात्रै उक्त सेटबाट एउटा खबर प्राप्त भएको छ । चण्डिगढमा छायांकन भइरहेको यो चलचित्रका केही कलाकारहरूमा कोरोना संक्रमण देखा परेको छ  । भारतीय मिडियाका अनुसार वरुण धवन, अनिल कपूर, नीतू कपूर तथा राज मेहतामा कोरोना पोजेटिभ देखिएको हो ।

चलचित्रको छायांकनमा जानुअघि चलचित्रका सम्पूर्ण सदस्यले कोरोना टेस्ट गराएका थिए । 

नीतू कपुरले एक भिडियो शेयर गरेकी थिइन्, जहाँ उनी आवद्ध चलचित्रका सम्पूर्ण कलाकारले कोरोनाको टेस्ट गराएका थिए । 

यद्यपि केही दिनमै यो टीम कोरोनाको चपेटामा परेको छ । यो चलचित्र कमेडी जनरामा निर्माण भइरहेको छ ।

कोरोना संक्रमण देखिएपछि यो चलचित्रको छायांकन स्थगित भएको छ । छायांकन शुरू भएको केही दिनमै कोरोना देखिएपछि चलचित्र निर्माण पक्षलाई ठूलो क्षति भएको छ ।

कोरोना भाइरस प्यान्डेमिकका कारण २०२० संसारभरको चलचित्र उद्योगका लागि खराब समय बन्यो । जहाँसुकैका चलचित्र भवन बन्द छन् । धेरै कलाकारहरूमा कोरोना भाइरसको संक्रमण भएको छ ।

छायांकनका लागि त्रासपूर्ण समय छ । करोडौं रकम खर्चिएर निर्माण भएका चलचित्र प्रदर्शन हुन पाएका छैनन् ।