२६ जेठ २०८३, मंगलबार
शारीरिक अभ्यास गर्ने समयलाई लिएर अधिकांश मानिस अन्योलमा हुन्छन् । हरेकको आफ्नो मनचाहे समय हुनछ ।
केही मानिस बिहान छिट्टै उठ्न सक्दैनन । कोही मानिस उठे पनि सक्रिय महशुस गर्दैनन्, बिहान बिहानै एक्सरसाइज गर्नका लागि ।
केही मानिसहरु बिहानै एक्सरसाइज गरेपछि मात्रै दिनको शुरुवात गर्दछन् ।
तौलमा असर
धेरै मानिसहरुलाई थाहा हुँदैन कि एक्सरसाइज गर्ने समयमा पनि तौलमा असर पर्छ ।
आउनुहोस् बिहान या बेलुका आखिर एक्सरसाइज गर्नका लागि कुन समय उपयुक्त हुन्छ ।
तौल छिटो घटाउन कुन समयमा गरिएको एक्सरसाइज फाइदाजनक हुन्छ त हेरौं जानकारी ।
बिहानको एक्सरसाइजको असर
बिहानको समयमा एक्सरसाइज गर्नाले कैयौं फाइदा हुन्छन् । बिहान छिट्टै उठ्नाले तपाइँलाई दिनभरका लागि धेरै समय पनि मिल्छ ।
बिहानको एक्सरसाइजले शरीरमा एन्डोर्फिन हार्मोन बन्दछ । जो तनाव कम गर्दै दिमागलाई शान्त राख्दछ । यसबाट पूरै दिन राम्रो तरिकाले गुज्रिन्छ ।
बिहान एक्सरसाइज गर्नुको फाइदा
मेडिसिन एण्ड साइन्स इन स्टोर्टस् एण्ड एक्सरसाइजमा छापिएको एक अध्ययनअनुसार जो महिला बिहान उठेर ४५ मिनेटसम्म ब्रेक वाक गर्छिन् उनीहरुको ध्यान खाने वस्तुमाथि कम हुन्छ ।
यतिमात्रै होइन, महिलाहरु दिनभर एक्टिभ रहन्छन् ।
राम्रो निद्रा लाग्छ
बिहान एक्सरसाइज गर्नाले मेटाबालिज्म पनि ठिक रहन्छ । यसबाट पूरा दिन क्यालोरी घटिरहन्छ ।
अध्ययनमा साँझ एक्सरसाइज गर्नेको तुलनामा बिहान एक्सरसाइज गर्नेलाई निद्रा राम्रो लाग्ने पाइएको छ ।
साँझ एक्सरसाइज गर्नुको फाइदा
हेल्थलाइनको रिपोर्टअनुसार दिउँसो २ बजेदेखि साँझ ६ बजेसम्म शरीरको तापमान सबैभन्दा धेरै रहन्छ ।
शरीरको बढ्दो तापमान मांशपेसीलाई बढी ताक पनि दिन्छ । यसको मतलब यो हो कि यस समय तपाइँको शरीर एक्सरसाइजका लागि सबैभन्दा बढी तयार हुन्छ । यसको फाइदा तौल घटाउन मिल्छ ।
शरीरलाई यस्ता फाइदा हुन्छन्
दिउँसो र साँझको समय हृदयको गति र रक्तचाप आफ्नो सबैभन्दा कम स्तरमा हुन्छ ।
यसबाट स्वास्थ्यलाई नोक्सान हुने सम्भावना पनि कम हुन्छ र एक्सरसाइजको फाइदा मिल्छ ।
सुत्नुभन्दा ठिक पहिले एक्सरसाइज नगर्नुहोस् । यसले तपाइँको निद्रामा खराबी ल्याउनेछ ।
रूटिन बनाउन आवश्यक
यद्यपि समयभन्दा जरुरी तपाइँलाई रुटिन बनाएर हरेक दिन एक्सरसाइज गर्नु राम्रो हुन्छ ।
तौल घटाउनका लागि नियमित रुपमा एक्सरसाइज गर्न जरुरी हुन्छ ।
यसबाट फिटनेस बनिरहन्छ । तनाव कम हुन्छ र शरीरमा कैयौं तरिकाले फाइदा पुग्छ ।
