फागुन ३०, २०८०
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
पुस ३, २०७७
कोरोना महामारीका बीचमा सरकारले उत्साहजनक रूपमा राजस्व संकलन गरेको छ ।
सुरक्षाका रणनीतिहरू अपनाउँदै उद्योगधन्दाहरू बिस्तारै चलायमान हुँदा राजस्व संकलन लक्ष्यउन्मुख देखिएको अर्थ मन्त्रालयले जनाएको छ ।
चालू आर्थिक वर्ष २०७७/७८ को पाँच महिनासम्ममा सरकारले गरेको राजस्व संकलन उत्साहप्रद देखिएको अर्थ मन्त्रालयका सह–सचिव एवं प्रवक्ता रामेश्वर दंगालले लोकान्तरलाई बताए ।
उनका अनुसार मंसिर मसान्तसम्ममा ३ खर्ब ३६ अर्ब ८२ करोड रकम राजस्व संकलन भएको छ ।
अर्थ मन्त्रालयले दिएको जानकारी अनुसार, पछिल्लो ५ महिनामा राजस्व संकलनको अवस्था वृद्धि भएको देखिएको हो ।
लक्ष्यको ९६.०९ प्रतिशत राजस्व संकलन गरेको मन्त्रालयले जनाएको छ ।
गत वर्षको सोही अवधिको तुलनामा १.४७ प्रतिशतले राजस्व संकलन वृद्धि भएको हो ।
आन्तरिक राजस्व विभागले उठायो लक्ष्यभन्दा बढी राजस्व
आन्तरिक राजस्व विभागले मंसिर महिनामा लक्ष्यभन्दा माथि राजस्व संकलन गरेको छ ।
विभागले मंसिर महिनामा मात्रै लक्ष्यको १०३.३५ प्रतिशत राजस्व संकलन गरेको विभागका निर्देशक एवं सूचना अधिकारी अर्जुन ढकालले लोकान्तरलाई जानकारी दिए ।
उनका अनुसार विभागले मंसिर महिनामा २२ अर्ब ८७ करोड ३८ लाख रुपैयाँ राजस्व संकलन गरेको छ । यस महिनामा विभागले २२ अर्ब १३ करोड ३२ लाख राजस्व संकलनको लक्ष्य राखेको थियो ।
मंसिर महिनामा ६ अर्ब ७८ करोड ८७ लाख आयकर संकलन गरेको छ । यस्तै ८ अर्ब ६१ करोड ७१ रुपैयाँ राजस्व संकलन भएको छ भने ६ अर्ब ४७ करोड अन्तःशुल्क संकलन भएको छ ।
विभागले चालू आर्थिक वर्षको पाँचौं महिनासम्ममा १ खर्ब ३३ अर्ब ४३ करोड रुपैयाँ राजस्व संकलन गर्ने लक्ष्य लिएको थियो, जसमध्ये १ खर्ब २९ अर्ब ४० करोड संकलन राजस्व संकलन भएको छ । जुन लक्ष्यको ९६. ९८ प्रतिशत हो ।
विभागले मंसिर महिनासम्ममा ३९ अर्ब ५७ करोड रुपैयाँ आयकर संकलन गरेको छ । विभागले वार्षिक रूपमा ४ अर्ब ५० अर्ब रुपैयाँ राजस्व संकलन गर्ने लक्ष्य लिएको छ ।
ठूला करदाता कार्यालयका प्रमुख भन्छन् : व्यवसायीले साथ दिए
मंसिरसम्मको अवधिमा ठूला करदाता कार्यालयले ४४ अर्ब २६ करोड ५३ लाख रुपैयाँ राजस्व संकलन गरेको छ ।
मंसिर महिनासम्ममा कूल ४९ अर्ब ३८ करोड ८७ लाख रुपैयाँ बराबरको राजस्व संकलन गर्ने लक्ष्य लिएकोमा कार्यालयले लक्ष्यको ८९.६३ प्रतिशत मात्रै राजस्व संकलन गरेको हो ।
यसबीचमा कार्यालयले भ्याटबापत २० अर्ब २३ करोड ६ लाख रुपैयाँ संकलन गरेको छ, जुन लक्ष्यको ९२.९३ प्रतिशत हो । मंसिरसम्ममा कार्यालयले २२ अर्ब ७० करोड ७७ लाख रुपैयाँ भ्याट संकलन गर्ने लक्ष्य लिएको थियो ।
यद्यपि मंसिर महिनामा भने राजस्व संकलनको अवस्था उत्साहप्रद छ ।
कार्यालयले ४ अर्ब १८ करोड ९८ लाख रुपैयाँ राजस्व संकलन गर्ने लक्ष्य लिएकोमा ४ अर्ब ३६ करोड रुपैयाँ राजस्व संकलन गरेको छ । जुन लक्ष्यको १०४.०६ प्रतिशत हो ।
मंसिर महिनामा मात्रै ठूला करदाता कार्यालयले विभिन्न शीर्षकमा गरी कूल ६ अर्ब ९७ करोड ८० लाख रुपैयाँ राजस्व संकलन गरेको छ ।
कूल ७ अर्ब ६२ करोड ८६ लाख रुपैयाँ राजस्व संकलन गर्ने लक्ष्य लिएकोमा कार्यालयले यसको ९१.४७ प्रतिशत मात्रै राजस्व संकलन गर्न सकेको हो ।
मंसिर महिनामा कार्यालयले २ अर्ब १५ करोड ८९ लाख कर राजस्व संकलन गरेको छ ।
कोरोना महामारीका बीचमा पनि लक्ष्यको ८९.६३ प्रतिशत राजस्व संकलन गर्नु सन्तोषजनक रहेको ठूला करदाता सेवा कार्यालयका प्रमुख बाबुराम गौतमले लोकान्तरलाई बताए । उनले भने,‘महामारीका बीचमा यत्तिको राजस्व संकलन हुनु भनेको त सन्तोषजनक नै हो ।’
उनले ठूला उद्योगी, व्यवसायीहरूको साथले पनि राजस्व संकलन सन्तोषजनक रहेको उनको भनाइ छन् । उनले भने, ‘उद्योगी व्यवसायीहरूले निकै नै धेरै साथ दिनुभयो, उहाँहरूले संकटको घडीमा पनि कर तिर्नुभयो ।’
यस बीचमा होटल तथा पर्यटन क्षेत्र ठप्प हुँदा राजस्व संकलनमा असर परेको सरकारले बताएको छ ।
कोरोना महामारीका कारण सबैभन्दा बढी असर होटल तथा पर्यटन क्षेत्रमा भएको छ ।
यी क्षेत्रहरू हालसम्मको अवधिमा पूर्ण बन्द रहँदा राजस्वमा असर गरेको ठूला करदाता सेवा कार्यालय प्रमुख गौतम बताउँछन् ।
महालेखाको तथ्यांक : सन्तोषजनक नतिजा
कोरोना महामारीका बीच पनि सरकारले राजस्व संकलनमा सन्तोषजनक नतिजा हात पारेको छ ।
चालू आर्थिक वर्षको पाँचौ महिनासम्ममा सरकारले कुल लक्ष्यको २९.९३ प्रतिशत राजस्व संकलन गर्दै सन्तोषजनक नतिजा हासिल गरेको हो ।
महालेखा नियन्त्रकको कार्यालयका अनुसार सरकारले चालू आर्थिक वर्षको पुस १ गतेसम्ममा २९.९३ प्रतिशत राजस्व संकलन गरेको हो ।
यस अवधिमा सरकारले ३ खर्ब २ अर्ब ७८ करोड ७७ लाख रुपैयाँ राजस्व संकलन गरेको छ ।
सरकारले चालू आर्थिक वर्ष २०७७/७८ मा कुल १० खर्ब ११ अर्ब ७५ करोड ८४ लाख रुपैयाँ राजस्व संकलन गर्ने अनुमानित लक्ष्य राखेको छ ।
मुलुकमा कोभिड– १९ रोगको महामारीका कारण आर्थिक क्षेत्र ठप्प प्रायः रहेको अवस्थामा पनि सरकारले राजस्व संकलन सन्तोषजनक गर्न सकेको अर्थ मन्त्रालयले जनाएको छ ।
अघिल्लो आर्थिक वर्षको पुस १ गतेसम्ममा सरकारले कुल लक्ष्यको २७.९५ प्रतिशत राजस्व संकलन गर्न सकेको थियो ।
सामान्य अवस्थामा भन्दा अहिले महामारीले निम्त्याएको विषम परिस्थितिमा राजस्व संकलनको लक्ष्य बढ्नु उत्साहप्रद रहेको मन्त्रालयका प्रवक्ता रामेश्वर दंगालले लोकान्तरलाई बताए ।
उनले भने, ‘अघिल्लो वर्ष र अहिलेको आर्थिक वर्ष तुलनाका दृष्टिकोणले योग्य त हैनन्, तर पनि अघिल्लो वर्षको भन्दा अहिले निकै राम्रो राजस्व संकलन भएको देखियो ।’
पूँजीगत खर्चमा कमजोर
पुस १ गतेसम्ममा सरकारले कूल लक्ष्यको १०.२९ प्रतिशत मात्रै पूँजीगत खर्च गरेको छ । यस अवधिमा ३६ अर्ब ४१ करोड रुपैयाँ पूँजीगत खर्च भएको छ ।
पुस १ गतेसम्ममा २९.८० प्रतिशत चालू खर्च गर्दा पूँजीगत खर्चको स्थिति भने कमजोर देखिएको हो ।
वित्तीय खर्च भने १०.२९ प्रतिशत भएको महालेखा नियन्त्रकको कार्यालयले जनाएको छ ।
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...