मंसिर २५, २०८०
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
पुस १६, २०७७
तीन वर्षअगाडि तत्कालीन एमाले र माओवादी केन्द्र पार्टी एकीकरण गर्ने घोषणासहित चुनावमा होमिँदा बुटवलका युवा व्यवसायी तथा नेकपा कार्यकर्ता यादव भण्डारीमा बेग्लै उत्साह थियो ।
तर, एकता भएको २ वर्षमै पार्टी विभाजन हुँदा पार्टीप्रति उनमा वितृष्णा गहिरिएको छ । उनी निकै निराश भनेका छन्, र पार्टीका लागि गरेका कामहरू पनि पनि पश्चाताप लाग्न थालेको छ ।
उनले लोकान्तरसँग भने, ‘देशमा स्थिर सरकार आयो । देशले गति लिनेछ । व्यावसायिक वातावरण बन्ने छ भन्ने सोचेको थिएँ । तर, कुनै पनि नेताहरू देशका लागि सोच्दा रहेनछन् ।’
भण्डारीले थपे, ‘नेताहरूले व्यक्तिगत इगो र स्वार्थले देशलाई अप्ठ्यारोमा पारे । केपी शर्मा ओली र प्रचण्ड कुनै समूहले पनि राम्रो गरेनन् । नेताहरूले देशका लागि होइन, आफ्नो स्वार्थ, कुर्ची र पावरका लागि जनतालाई प्रयोग गर्ने रहेछन् । यिनीहरूदेखि वाक्क लाग्यो, अब देशमा केही हुनेवाला छैन ।’
नेकपा कपिलवस्तु नगर कमिटीका अध्यक्ष शंकर पाण्डे पनि अहिले नेकपाको झगडा र विभाजनप्रति निकै निराश छन् । राजनीतिबाटै संन्यास लिनुपर्छ कि के हो भन्ने उनलाई लाग्न थालेको छ । पार्टी विभाजन भएपछि उनलाई दैनिक ओली र प्रचण्ड समूहका १५ जनाभन्दा बढीले दैनिक फोन गरेर आफ्नो समूहमा आउन आग्रह गर्ने गरेका छन् । तर, उनी राजनीतिबाट बिदा लिने सोचमा पुगेका छन् ।
उनले लोकान्तरसँग भने, ‘२०४२ सालदेखि अखिलबाट राजनीति शुरू गरें । कति नेताहरूलाई जिताइयो । नेताहरूलाई दुईतिहाइ पुर्याउन जिल्लामा ज्यान दाउमा राखेर लागियो । अहिले नेताहरूले देशलाई यस्तो बनाए । अब यिनीहरूका गीत गाउनुभन्दा निष्क्रिय भएर आफू र परिवारका लागि केही गर्ने सोचमा पुगें ।’
युवा संघ नेपाल गुल्मीका पूर्व अध्यक्ष तथा नेकपा सचिवालय सदस्य कृष्ण भण्डारीलाई नेताहरूले कार्यकर्तामाथि गरेको खेलबाडले मानसिकता नै कताकता खलबल बनाइदिएको छ ।
पार्टीप्रति इमान्दार, बफादार र निष्ठावान कार्यकर्ता राजनीतिबाट नै पलायन हुनुपर्ने अवस्था नेताहरूले सिर्जना गरेको भण्डारी बताउँछन् ।
उनले भने, ‘नेताहरूले पार्टी एकीकरणलाई बेवास्ता गरी पार्टी फुटाउँदा धेरै कार्यकर्ता निष्क्रिय बनेका छन् । अहिले पार्टीप्रति मलाई पटक्कै सरोकार नै हुन छाड्यो । नेताहरूले जनजीविकाका एजेण्डा अन्त्य गरेर कुर्चीका लागि लडे । लामो समय राजनीतिमा लाग्दा आफ्नो उमेर र समयको नाश मात्र भएजस्तो लाग्न थाल्यो ।’
नेपाली कम्युनिस्टको ७ दशक लामो इतिहासमा पहिलोपटक आएको झण्डै दुईतिहाइ बहुमतलार्य नेताहरूले दुरुपयोग गरेको उनको गुनासो छ ।
नेकपा नेता/कार्यकर्ता अहिलेको राजनीति देखेर पार्टीबाट निष्क्रिय हुन थालेका छन् । देश, समाज र व्यक्तिगत जीवनमा कुनै परिवर्तन नआउँदा संगठन र राजनीतिप्रति निराश भएर राजनीति छाड्ने अवस्था देखिएको विश्लेषकहरू बताउँछन् ।
माओवादी र एमाले पार्टी एकीकरण हुँदा देशमा आर्थिक विकास र समृद्धि भित्रिन्छ भने विगतका घटना भुलेर पनि एकतालाई बलियो पार्नुपर्छ भन्ने मान्यता राखेका थिए ।
लेखक तथा राजनीतिक विश्लेषक दिल साहनीले नेपालमा कम्युनिस्ट राजनीतिमा लागेका सबै नेता कार्यकर्तालाई नेताहरूले धेरैपटक निराश बनाउँदा र वितृष्णा जगाउँदा अब देशमा कम्युनिस्टको लामो भविष्य नरहने दाबी गर्छन् ।
उनले भने, ‘नेपालमा कांग्रेस र कम्युनिस्टमा केही फरक छैन । उनीहरू सबै पूँजीवादी नै हुन् । नेपालमा त मैले कम्युनिस्ट नै छैनन् भन्छु । अवसरवादी र शक्तिको पछाडि दैडिनेलाई त यो ठूलो अवसर हो । तर, नेकपाका वास्तविक कार्यकर्तालाई नैराश्य र अन्यौल बनाए नेताहरूले ।’
जति अन्यौल बनाए पनि प्रधानमन्त्रीले चालेको असंवैधानिक संसद् विघटनका विरुद्ध नेपालका युवाहरू लाग्नुपर्ने अवस्था आएको साहनीको बुझाइ छ ।
लुम्बिनी प्रदेशमा कम्युनिस्टहरूको किल्ला मानिन्छ । पार्टी विभाजन हुँदा यहाँका प्रभावशाली नेताहरू पनि दुई खेमामा विभाजित भइसकेका छन् ।
पार्टी विभाजन भएकै अवस्थामा चुनावमा गए दुई नेकपाको हैसियत शून्यमा झर्ने चिन्ता कार्यकर्ताहरूमा छ ।
नेकपा प्रदेश सभा सांसद विष्णु पन्थी नेकपा अझै पनि मिल्नुको विकल्प नभएको बताउँछन् ।
‘पार्टी विभाजन कसैको हितमा छैन । अझै पनि मिल्न सकिने ठाउँहरू छन्, नमिले नेकपाको भविष्य अन्योलमा छ ।’
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...