कोरोनाका कारण निर्माण सम्पन्न भइसके पनि हलसम्म पुग्न नसकेको चलचित्र ‘एउटा यस्तो प्रेम कहानी’ आगामी माघमा रिलिज हुने भएको छ ।

आउँदो माघ १ गते हलमा प्रदर्शन हुने चलचित्र निर्माण पक्षले घोषणा गरेको छ । 

तोकिएको समयमा रिलिज हुन सक्यो भने, लकडाउनपछि हलसम्म पुग्ने पहिलो नेपाली चलचित्र यही नै हुनेछ । लकडाउनपछि कुनै पनि नेपाली चलचित्रले हलसम्म पुग्न पाएका छैनन् । 

चलचित्रको पोष्टर सार्वजनिक गर्दै निर्माण टिमले प्रदर्शन मिति घोषणा गरेको हो । चलचित्रमा नायक शिव श्रेष्ठ र नायिका प्रियंका कार्की छन् । विके फिल्मस् र एफडी कम्पनीले यो चलचित्रको वितरण गर्नेछ ।

प्रेम र एक्सनको मिश्रणमा तयार भएको यो चलचित्रमा शिव श्रेष्ठ, प्रियंका कार्की, आयुष्मान देशराज जोशी, वर्षा राउत, संजोग कोइराला, बसुन्धरा भुषाल, मिथिला शर्मा लगायतका कलाकारले अभिनयग रेका छन् ।

चलचित्रबाट कविता मानन्धर, शक्ति श्रेष्ठ र संयम दर्शनधारीले फिल्म क्षेत्रमा डेब्यू गरेका छन् । दिपेश सापकोटाको निर्देशनमा बसेको चलभित्र फिस्टेल मुभिजको ब्यानरमा निर्माण भएको हो । चलचित्रमा यशोधा राई र दिनेश दर्शनधारीको लगानी छ ।