बलिउड क्वीन कंगना रनौत आफ्नो अभिनयका साथै सामाजिक सञ्जालमा दिने अभिव्यक्तिका कारण पनि सँधै चर्चामा आइरहन्छिन् ।

कंगना सामाजिक सञ्जालमा देशको राजनीति र अन्य क्षेत्रसँग जोडिएका कैयौं विषयबाट बोल्दै आएकी छन् । 

गएको वर्ष कंगना निकै आलोचित बनिन् । उनीविरुद्ध विभिन्न राजनीतिक दलदेखि बलिउडका कैयौं सेलिब्रेटीले मोर्चाबन्दी नै गरे । उनीविरुद्ध अहिले पनि अदालतमा कैयौं मुद्दा दर्ता भएका छन् । 

कंगनाले जेएनयूमा भएको प्रोटेस्टका साथै एन्टी सीएए विरोधका लागि अनुराग कश्यप, दिपीका पादुकोण, स्वरा भास्कर र तापसी पन्नुले विरोध जनाउँदै आएका छन् ।

कंगनाले उनीहरुविरुद्ध ट्वीट गर्दै आतंकवादीसम्म भन्न भ्याएकी छन् । यसका साथै कंगनाले आफ्नो ट्वीटमा यी सेलिब्रेटी पनि आतंकवादीलाई बढावा दिन लागि परेको आरोप लगाएकी छन् । 

अहिले कंगना र अन्य सेलिब्रेटीबीच ट्वीटर वार चलिरहेको छ ।

कंगनाले पहिलो ट्वीटमा लेखेकी छन्, ‘बलिउड फिल्म उद्योगको एक अर्को नयाँ काण्ड खुलासा भएको छ । जेएनयूका छात्र र शाहीन बागको विरोधको समर्थन गर्ने मानिसले दंगा भड्काउने सहयोग गरेका छन् । तथाकथित अभिनेता र अभिनेत्री आतंकवादीभन्दा कम छैनन् । जाग्नुहोस् र हेर्नुहोस् ।’ 

यस्तै दोस्रो ट्वीमा कंगनाले दिपीका, स्वरा, अनराग र तापसीको तस्वीर शेयर गरेकी छन् ।

साथै त्यसमा लेखेकी छन्, ‘अब यही सावित हुन्छ कि जेएनयूका छात्र कसरी गलत सूचना फैलाउँछन् र सीएएको बारेमा झुठ बोल्दैछन् । उनीहरुले स्वीकार गरेका छन् कि घृणा, झुठ र आतंकवाद फैलाउन भाग लिएका छन् ।’

बलिउड अभिनेता सुशान्त सिंह राजपूतको मृत्युपछि कंगना बलिउडका सेलिब्रेटीमाथि निरन्तर प्रहार गरिरहेकी छन् । उनी सामाजिक, मानसिक र राजीनितिक विषयमा आफ्नो धारणा राख्दै आएकी छन् । 

यसैबीच कंगनाले दिपीकालाई डिप्रेसशनको धन्धा चलाउने पनि बताएकी थिइन् । हालै कंगनाले मुम्बई फिर्ता आएपछि सिद्धिविनायक मन्दिरमा पूजा गरेकी थिइन् ।